سینیٹر ذیشان خانزادہ ءَ 8 ملین کلدار ءِ چیک کورونا ریلیف فنڈ ءِ واستہ مزن وزیر ءَ را پیش کت
اسلام آباد ۔ 10 جولائی (اے پی پی) مزن وزیر عمران خان ءَ گوں چئیرمین سینیٹ محمدد صادق سنجرانی ءَ آدینگ ءِ روچ ءَ ادا گند ءُ نند کت۔ پاکستان تحریک انصاف ءَ گوں سیادی داروکیں سینیٹر ذیشان خانزادہ ھم گند ءُ نند ءَ ساڑی ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چئیرمین سینیٹ محمد صادق سنجرانی ءَ سینیٹ آف پاکستان ءِ نیمگ ءَ 32 لکھ 15 ہزار کلدار ءِ چیک مزن وزیر کورونا ریلیف فنڈ ءِ وستہ مزن وزیر ءَ را پیش کت۔ ایشی ءَ ابید سینیٹر ذیشان خانزادہ ءَ 8 ملین کلدار ءِ چیک مزن وزیر کورونا ریلیف فنڈ ءِ واستہ مزن وزیر ءَ را پیش کت۔