اسلام آباد ۔ 23 مئی (اے پی پی) نیشنل کمانڈ اینڈ آپریشن سینٹر ءَ کورونا وائرس ءِ ھوالگ ءَ تاجگیں اپ ڈیٹ جاری کتگ انت، ملک ءَ کرونا ءِ ایکٹو کیس آنی کساس 34 ہزار 683، تسدیک بوتگیں کیس آنی کساس ھم 52 ہزار 437 ءَ تاں پج اتگ انت، گوستگیں 24 کلاک آنی ساھت ءَ 1743 نوکیں کیس رپورٹ بوتگ انت، 34 نوکیں بیرانی ءِ گوما ھواریں کساس 1101 ءَ تاں سر بوتگ انت۔ این سی او سی ءِ رد ءَ این سی او سی پنجاپ ءَ کورونا وائر س کیس آنی کساس 18 ہزار 730 ءَ تاں پج اتگ انت۔ سندھ ءَ 20 ہزار 883 کورونا کیس رپوٹ بوتگ انت، خیبر پختونخوا ءَ کیس آنی کساس 7 ہزار 391 ءُ اسلام آباد ءَ 1457 بوتگ انت، بلوچستان ءَ 3198، گلگت بلتستان ءَ 607 کیس رپوٹ بوتگ انت، آزات کشمیر ءَ کرونا وائرس کیس آنی کساس 171 بوتگ انت۔ سرجمیں ملک ءَ انوگ ءَ تاں 16 ہزار 653 مریض سرجمیں رنگ ءَ جان سلامت بوتگ انت۔ این سی او پی ءِ رد ءَ کورونا وائرس ءَ چہ مرگ ءِ پنجگ آں کپوکیں مردم آنی کساس 1101 ءَ تاں پج اتگ انت۔ گوستگیں بیست ءُ چار کلاک آنی ساھت ءَ 34 مردم بیران بوتگ انت سندھ ءَ 340، پنجاپ ءَ 324 ، کے پی کے ءَ 381، گلگت بلتستان ءَ 4 ، آزات جموں کشمیر ءَ یک ، ءُ اسلام آباد ءَ 12 ءُ بلوچستان ءَ 39 مردم ھوار انت۔ انوگ ءَ تاں 4 لکھ 60 ہزار 992 مردم آنی کورونا وائرس ءِ واستہ ٹیسٹ کنگ بوتگ انت، گوستگیں بیست ءُ چار کلاک آنی تہ ءَ 14 ہزار 705 مردم آناں ٹیسٹ کنگ بوتگ انت۔ سرجمیں ملک ءَ 726 ہسپتال آنی تہ ءَ 4417 مریض زیر علاج انت۔ 412 کرونا ءِ آماچیں مردم آنی جاور سک نہ گیگ انت۔