اسلام آباد ۔ 23 مئی (اے پی پی) ملک مستر ڈاکٹر عارف علوی ءَ بلوچستان ءَ ایف سی 8 ءُ 18 مئی ءَ شہید بوتگیں افسر ءُ ورناہ آنی حانداناں ٹیلیفون کتگ ءُ شہیدآناں داد ءُ سلام پیش کتگ۔ ایوان صدر میڈیا کارگس ءَ چہ جاری بیان ءِ ردءَ ملک مستر ءَ گشتگ کہ ماتیں وطن ءِ سرءَ ندر بوتگیں شہیدآنی سرءَ مارا پھر اِنت،راج آیاناں سلام پیش کنت، ملک مستر ڈاکٹرعارف علوی ءَ شہیدآنی درجگانی مزنی ءُ آیانی حانداناں سگءُ اوپار ءِ دعا کتگ۔ آئی ءَ 8 مئی ءَ شہید بوتگیں میجرندیم عباس بھٹی، نائیک جمشید، لانس نائیک خضر حیات، لانس نائیک تیمیور، سپاہی ندیم ءُ سپاہی ساجد ءِ حانداناں ٹیلیفون کتگ۔ ملک مستر ءَ 18 مئیءَ شہید بوتگیں نائب صوبیدار احسان اللہ خان، نائیک زبیر خان، نائیک اعجاز احمد، نائیک مولا بخش ءُ نائیک نور محمد ءِ حانداناں ہم ٹیلیفون کتگ۔