کراچی۔23 مئی(اے پی پی) بنجاھی وزیر برائے زرّئی کار علی زیدی ءُ سندھ اسمبلی ءِ باسک بلال غفار ءَ دارالصحت ہسپتال ءِ تر ءُ تاب کت۔ شمبے ءِ روچ ءَ جاڑی بوتگیں جار ءِ رد ءَ بنجاھی وزیر ءُ پی ٹی آئی ءِ باسک ءَ ہسپتال ءَ زیر علاج صدر ءِ بینک آف پنجاپ ظفر مسعود ءَ ھوار توامیں وئیل پی آئی اے ءَ ٹپیگ بوتگیں مردم آنی گوما دود ءُ دراھ کت۔ اے موہ ءِ سر ءَ بنجاھی وزیر ءَ گوشت کہ پی آئی اے ءِ بالیگ ءِ کپگ ءِ واکہ سکیں دلپدردیں وئیل ات۔ علی زیدی ءَ گوشت کہ جہاز ءَ فنی ھرابی ءِ ھوالگ ءَ گیشیں دروگ ءُ زبروکائی ءَ چہ پھریزگ بہ بیت۔ آئی ءَ گوشت کہ ظفر مسعود ءُ محمد زبیر ورنا آں زوتیں رنگ ءَ مزن دلی ءِ درشان کتگ۔ آئی ءَ گوشت کہ وئیل ءِ آماچیں مردم آنی گس آنی پرشگ ءِ تکلیف ءَ شرئی ءَ زاناں۔ آئی ءَ گوشت کہ وئیل ءَ ٹپیگ بوتگیں مردم آنی زوت جان سلامتی ءِ واستہ دعا گو آں۔ علی زیدی ءَ گوشت کہ اے وھد ءَ توامیں ادارگ یکجائی ءَ یکیں پیچ ءِ سر ءَ کار کنگ ءَ انت۔ بلال غفار ءَ وتی تران ءِ تہ ءَ گوشت کہ پی آئی اے ءِ وئیل سکیں اپسوزی ات۔ بیران بوتگیں مردم آنی سیاد ءُ وارس آنی گوما دلی دلپدردی ءِ درشان ءَ کناں۔ آئی ءَ گوشت کہ اے وئیل ءَ چہ سرجمیں راج گمیگ ءُ اپسوزی انت۔ شہید آنی شہادت ءِ ھوالگ ءَ انکوائری ساپ ءُ سلہ ئی ءَ گوں بہ بیت، گمیگیں ھاندان آنی گوما گمیگیں ساھت ءَ بروبرئی ءَ ھوار آں۔