اسلام آباد ۔ 14 فروری (اے پی پی) مزن وزیر عمران خان ءَ گوشت کہ آیوکیں باندات ءَ ھمروچگیں کارمردی چیز آنی کمیگ ءَ را وھد ءُُ پاس ءِ تہ ءَ زانگ ءُُ نیاد آنی گیشی ءِ واستہ جوانیں کار رپک ءَ را شاھیگان کنگ بوھگ ءَ انت، ھمروچگیں کارمردی چیز آنی نیاد آنی تہءَ استیں وھدے گیشی ءَ چہ رکھگ ، آرت، شکر ءِ نیاد آنی تہ ءَ گیشی، ایشی ءِ سبب ءَ حکومت ءَ را ایراد گرگ، ءِ ھوالگ ءَ مزن تکی پٹ ءُُ پولی دیوان رپوٹ ءِ ودار انت، زمہ داریں مردم آناں شوہازگ بیت کہ اے رنگ چیا بوتگ ۔ اے ھیالانی درشانی آئی ءَ آدینگ ءِ روچ ءَ مزن وزیر ہاءوس ءِ رسانک در آنی نماھند گ آں گوں تران کنان ءَ کت ۔ مزن وزیر ءَ گوشت کہ یکجائی پٹ ءُُ پولی ٹیمب ءَ نیاد آنی تہ ءَ استیں وھد ءَ گیشی ءِ سبب آنی ھوالگ ءَ وتی رپوٹ دات پدا ھم آئی ءَ اے ھوالگ ءَ سرج میں رپوٹ لوٹ کت ۔ آئی ءَگ وشت کہ اے رپوٹ ءِ رد ءَ راستی آں الس ءِ دیم ءَ کار آں ءُُ اے رنگیں نظام ءَ را شاھیگان کناں کہ دوبارہ اے جیڈھ پیداک مہ بیت ۔ جہانگیر ترین ءُُ خسروبختیار ءِ نیمگ ءَ چست کتگیں لنکُک آنی ھوالگ ءَ جست ءِ پسو ءَ مزن وزیر ءَ گوشت کہ رپوٹ ءَ اچ کس ءِ نام مان نہ انت ۔ رپوٹ ءِ تہ ءَ کمیگ است ءُُ ما اے ھوالگ ءَ گیشاں چہ گیش ٹوھیں رپوٹ گوانک کتگ ۔ مزن وزیر ءِ میڈیا ءِ نماھندگ ءِ گوما اے گند ءُُ نند یک انچیں وھدے ءَ برجم دارگ بوت وھدیکہ حکومت ءَ ھمروچگیں وردنی چیز آنی نیاد آناں کنٹرول کنگ ءِ واستہ سک باز گامگیج کتگ ۔ یوٹیلٹی سٹورز ءِ سر ءَ 15 ارب کلدار ءِ پیکج ءِ جار جنگ بوتگ ءُُ گریبیں تبک ءِ مردم آنی واستہ راشن کارڈ ءِ بنگیج ءُُ اے کوتاہی ءِ ھوالگ ءَ زمہ وار آنی شوہاز کنگ بوھگ ءَ انت ۔ مزن وعزیر ءَ گوشت کہ معشیت ءِ ھمک شوبگ ءَ کارٹیلز است انت ۔