اسلام آباد ۔ 14 فروری (اے پی پی) مزن وزیر عمران خان ءَ گوشت کہ ترکی ءَ سرمایہ کار آناں پاکستان ءَ سیل ءُُ سواد، انفارمیشن ٹیکنالوجی، اشکر چات آنی شوہاز، کشت ءُُ کشار ءَ ھوار جتا جتائیں شوبگ آنی تہ ءَ سرمایہ کاری کنگ ءِ دعوت ءَ دیاں ۔ پاکستان ءَ سرمایہ کاری ءِ بے کساس موہ است ءُُ استیں حکومت پاکستان ءِ راجدپتر ءَ درستاں چہ مستریں کاربار دوستیں حکومت انت، ترک سرمایہ کار اے موہ آ چہ سیت چست بکن انت ۔ اے ھیالانی درشانی آئی ءَ آدینگ ءِ روچ ءَ پاک ۔ ترک نزنس فورم ءَ گوں گشتانک دیان ءَ کت ۔ ترک صدر رجب طیب اروان ءَ ھم فورم ءَ گوں گشتانک دات ۔ مزن وزیر عمران خان ءَ پارلیمان ءِ یکجائی دیوان ءَ ترک صدر ءِ گشتانک ءَ را ساڑات ءُُ گوشت کہ آئی ءِ گشتانک ءَ را سک باز ساڑا رستگ ۔ آئی ءَ گوشت کہ اگاں ترک صدر پاکستان ءَ الیکشن ءَ بھر بہ زور ایت گڈا آ الم باج بارت ۔ آئیءَ گوشت کہ ترک صدر ءِ گشتانک ءَ را حکومتی بینچ آں ھوار اپوزیشن بینچ آنی باسک آں ھم ساڑاتگ ۔