اسلام آباد ۔ 14 فروری (اے پی پی) ترکی ءِ صدر رجب طیب اردوان ءَ گوشت کہ ترکی ھم جیڈھ آں گوں دیم پہ دیم انت، آئی ءَ گوشت کہ جزم ءُُ دلیری ءَ گوں ما وتی مشکل آناں گر ءُُ دار کتگ، پاکستان ءُُ ترکی ءِ نیام ءَ سیاسی، دیمپانی ، تجارتی ءُُ سرمایہ کاری رابطہ آناں دیمروئی کنگ ءَ انت، مئے دو نیمگی تجارتی کساس گواچنی ازمکاری ءَ چہ کم انت، اولی بھر ءَ دو نیمگی تجارت ءَ را یک ارب ڈالر ءُُ پدا گیش ودینان ءَ پنچ ارب ڈالر ءَ تاں برگ لوٹ ایت، ترک کمپنی پاکستان ءَ بنیاتی کوکار ءِ تہ ءَ سرمایہ کاری کنگ ءِ واھشت ایگ انت ۔ آئی ءَ اے ھیالانی درشانی آدینگ ءِ روچ ءَ ادا پاک ترک بزنس فورم ءَ گوں گشتانک دیان ءَ کت ۔ ترکی ءِ صدر ءَ گوشت کہ پاکستان مئے دومی گس انت ادا آیگ ءَ چہ مارا سک باز وشی بیت ۔ جوانیں مہمان داری ءِ پد ءَ پاکستانی الس ءِ شگر ءُُ منت وار آں ۔ آئی ءَ گوشت کہ صدر ءِ مملکت عارف علوی ءِ گوما منی زیک گپ بوتگ ءُُ مرچی راجی اسمبلی ءُُ سینیٹ ءِ باسک آں گوں گشتانک ءِ موہ رستگ ۔ ما مزن تک ءَ وتی کمک آناں گیش ودین تگ ۔ بزنس فورم ءِ دیوان مئے واستہ سیت مند سہرا بوتگ ایشی ءِ تہ ءَ بزنس کمیونٹی ءِ نماھندی شریک انتت ۔ آئی ءَ گوشت کہ مئے یکوئی اقتصادی شریکداری ءَ چہ نوں سیاسی، تجارتی ءُُ سرمایہ کاری رابطہ ءَ چہ دیمروئی کنگ ءَ انت ۔ امیت انت کہ پاکستان سروکی ءَ گوں بوتگیں گند ءُُ نند دو نیمگی یکوئی آنی تہ ءَ سیت مند سہرا بنت ۔ آئی ءَ گوشت کہ مزن تکی تر ءُُ تاب آں چہ دو نیمگی کمک ءِ نوکیں در دیم ءَ کئیت انت ۔ ما دو نیمگی تجارت ءَ را یک ارب ڈالر ءَ چہ پنچ ارب ڈالر ءَ تاں برگ لوٹاں ۔ ترک صدر ءَ گوشت کہ مزن تکی یکوئی کمکی کونسل ءِ ششمی دیوان مرچی بوھگ ءَ انت ۔ مارا وتی تجاری یکوئی آناں اے تک ءَ چہ دیم ءَ جنزینگ ءِ ضلورت انت ایشی ءِ آ ھک دار انت ۔ پاکستان ءُُ ترکی ءِ وت مہ وتی تجارتی کساس وتی ازم ءَ چہ سک باز کم انت ۔ آئی ءَ گوشت کہ من سک باز وش آں کہ ترکی ءِ کمپنی پاکستان ءَ ھاٹیگ، جوڑیشت ءُُ ایندگر شوبگ آنی تہ ءَ سرمایہ کاری کنگ ءَ انت ۔ ترکی ءِ کمپنی دیمپان، جان سلامتی ءُُ ایندگر شوبگ آنی تہءَ پراھ ءُُ شاھیگانیں تجروبت است ۔ ما ٹیل ءُُ گیس ءِ شوبگ ءَ وتی کمپنی آناں یک ءِ دومیگ ءِ گوما یکجائی ءَ لاءک ءِ کارمرد کت کناں ۔ آئی ءَ گوشت کہ ترکی ءَ پاکستان ءَ وتی سرمایہ کاری ءِ تہ ءَ گیشی کتگ ۔ آئی ءَ گوشت کہ ترکی مھک میں دود ءُُ ربیدگ ورنا ءُُ بلدکاریں مردم ءَ چہ مالا مال انت ۔ ترک صدر ءَ گوشت کہ ترکی ھم مشکلیں وھد ءَ گوں دیم پہ دیم بوتگ ۔ آئی ءَ گوشت کہ پاکستان ءَ کاروبار ءِ تہءَ آسانی ءِ واستہ گامگیج کنگ ءَ انت ۔