اسلام آباد ۔ 11 ستمبر (اے پی پی) پارلیمنٹ نا ہڑتوم آ ایوان تا اسیجا دیوان (اینو) پنچ شنبے نا بیگہ نا 5بجہ غا پارلیمنٹ ہاءوس اٹی مریک ہراڑان صدر مملکت ڈاکٹر عارف علوی تران کیک ۔ قومی اسمبلی سیکرٹریٹ پارلیمنٹ نا اسیجا دیوان اکن غٹ تیاری تے پورو کرینے ۔ دیوان اٹی بشخ ہلنگ کن ہرمسٹ آ سلہہ بند فوج وآئینی ادارہ غاتا سروک آتون اوار سفارتکار و اہم شخصیت آتے سلہ مون تننگانے ۔ پارلیمنٹ نا اسیجا دیوان نا وخت آ سخت رکھی گام گیج نا فیصلہ کننگانے ہرانارداٹ پارلیمنٹ نا دنگ اٹ اسہ گاڈی اسے ہم بیدس چیکنگ آن پترینگپک ۔ سی این جی سلنڈر والا گاڈی آ خاص وڑاٹ پارلیمنٹ اٹ پترینگ انگ آ پابندی ءِ ۔ یات سلے کہ ساڑی قومی اسمبلی نا ارٹ میکو پارلیمانی سال انا بناپارلیمنٹ نا اسیجا دیوان آن صدر مملکت نا تران آن مریک ۔ صدر مملکت آئینی خواست آتارداٹ بروک آ مچ آ سال اکن تینا تران نا کمک اٹ راہشون اصول ایتک ۔