اسلام آباد ۔ 11 ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ جہانی برادری نا کشمیر نا مظلوم آتون سلنگ و بھارت آن بنداوی انسانی حق آتا پاسداری نا خواست مظلوم آتے کن حوصلہ نا سوب ءِ ۔ چارشنبے نادے تینا ٹویٹ اٹی اوپارے کہ جنیوا ٹی مقبوضہ جموں و کشمیر نا تشویشناک حالیت آتیا 50 آن زیات ملک آتا اسیجا اعلامیہ بھارت کن آدینک اسے ہراٹی او انسانیت نا برخلاف تینا ڈوہ تے ہُننگ کیک ۔ اوپارے کہ جہانی برادری نا کشمیر نا مظلوم آتون سلنگ و بھارت آن بنداوی انسانی حق آتا پاسداری نا خواست مظلوم آتے کن حوصلہ نا سوب ءِ ۔ خصوصی کمکار پارے کہ دا اعلامیہ وزیراعظم عمران خان نا کماشی ٹی جہانی ضمیر ءِ بش کننگ نا ننا پدریسہ سفارتی کوشست آتا سرسہبی و کشمیر کاز اتون پکا وابستگی نا شاہدی اسے ۔ ڈاکٹر فردوس عاشق اعوان پارے کہ مچ آ دنیا بھارتی جبر و طاقت نا بہیمانہ کاریم اٹ اتنگ نا برخلاف یک زبان ءُ و بھارتی غرور و تکبر مش تا مننگ ءِ ۔