کوءٹہ ۔ 11ستمبر (اے پی پی) پاکستان تحریک انصاف نا باسک قومی اسمبلی منورہ منیر پارینے کہ قائد اعظم محمد علی جناح نا ولولہ انگیز کماشی ٹی برصغیر نا مسلمان تا آجو وطن نا تغ پورو مس و اینو نن اونا ہی سوب آن آجو قوم اسے نا حیثیت اٹ آجو چاگڑد اٹ دم ہلنگ اُن، چارشنبے نادے آ بابائے قوم قائد اعظم محمد علی جناح نا کزیہ دے انا وخت آ زالبول آتا اسہ ڈل اسے تون گپ و تران کرسا او پارے کہ قائد اعظم محمد علی جناح نا راہشون اصول ایمان ۔ سیوت و نظم ننا تاریخ نا بشخ ءِ و پاکستان ءِ مون تروک چیلنج آتا مقابلہ ءِ بیرہ تینا صف آتے ٹی سیوت ودی کرسا ہی کننگ مریک بانی پاکستان محمد علی جناح اسہ با اصول، انصاف پسند و جیرت مند ، سگ و رواداری آ مبنی پرامن راج اسے نا جوڑ کننگ بانی پاکستان محمد علی جناح نا تغ ئس وزیراعلیٰ عمران خان نا کماشی ٹی پاکستان ءِ حقی وڑاٹ فلاحی ریاست اس جوڑ کننگ و قائد اعظم نا تغ ءِ پورو کننگ کن گام گیج کننگ انگ ءِ قومی اسمبلی نا باسک منورہ منیر پارے کہ قائد اعظم نا کلہو سیوت ، تنظیم و ایمان اینو ہم وطن عزیز نا شونداری و شونہالی نا ضامن ءِ و اونا فرمودات آتیا عمل کرسا ملک ءِ غٹ تنکی تیان خلاسی ترفنگ مریک ۔ قائد اعظم محمد علی جناح نا راہشون اصول ایمان ۔ سیوت و نظم ننا تاریخ نا بشخ ءِ و پاکستان ءِ مون تروک چیلنج آتا مقابلہ ءِ بیرہ تینا صف آتے ٹی سیوت ودی کرسا ہی کننگ مریک ۔