اسلام آباد ۔ 22 ستمبر (اے پی پی) صدر مملکت ڈاکٹر عارف علوی ءَ گوشت کہ وت جوڑیشی ھیل کاری بنی آدم آنی زندمان ءِ تہ ءَ ترندی ءَ گوں آشوب آرگ ءَ انت ءُُ امیت است کہ آیوکیں باندات ءَ اے جتا جتائیں شوبگ آنی تہ ءَ بنی آدمی کرد ءِ تہ ءَ جاھے گپت ۔ جیو نیوز ءِ پروگرام ’’ یک روچ ءِ جیو ءِ گوما‘‘ سہیل وڑاءچ ءِ گوما وتی انٹرویو ءَ صدر ءِ مملکت ءَ گوشت کہ جتا جتائیں رند ءَ زندمان ءَ وڑ وڑیں شوبگ آنی تہ ءَ وت جوڑیشتی ھیل کاری ءَ را سکگ ءِ زور پر داتگ ءُُ انوں اے آب ملک ءِ تہ ءَ لس جوڑ بوتگ ۔ وت جوڑیشی ھیل کاری ءِ ھوالگ ءَ دیان ءَ آئی ءَ گوشت کہ ایشی ءَ چہ پیسر ءَ گاڑی آنی کارخانہ آنی ءُُ جنگ آنی تہ ءَ کارمردم کنگ بوتگ ۔ ناشرکاری ءِ ھلاپ ءَ جنگ ءَ ناشرکاری ءِ پجار ءُُ نشان دیگ ءِ واستہ وت جوڑیشی ھیل کاری ءَ را کارمرد کنگ بوتگ ۔ جمہوری نظام ءَ صدر ءِ مملکت ءِ کرد ءِ ھوالگ ءَ یک جستے ءِ پسو ءَ آئی ءَ گوشت کہ کانود ءِ گیشینتگیں مستری ءَ صدر ءِ اگدہ ارزشت کرز انت ءُُ وت مستر ءُُ کسے ءَ گوں سیادی نہ کنوکیں اگدہ ات ۔ یک جستے ءِ پسو ءَ آئی ءَ گوشت کہ آ پارلیمنٹ ءِ باسک ھم بوتگ ۔ آ مُدام گوں ایندگر باسک آں گوں رابطہ ءِ تہ ءَ بوتگ ۔ دیوان آنی ساھت ءَ منی اے زمہ واری بیت کہ فیڈریشن یک مشت بہ بیت ۔ صدر ءِ مملکت ءَ گوشت کہ جاک ءُُ کوکار اپوزیشن گل آنی ھک انت بلے پارلیمنٹ ءِ جوائنٹ سیشن ءِ ساھت ءَ منی گشتانک ءِ سر ءَ اپوزیشن ءِ رویہ اپسوزی بوتگ ۔ من لوٹیتگ کہ پارلیمنٹ ءَ گوں گشتانک ءَ بنداتی10منٹ کشمیر ءِ جیڈھ ءِ سر ءَ گپ کنگ بہ بیت تانکہ یک مشتیں کلوہ ءِ یکجائیں ایوان ءَ چہ بہ روت بلے اپوزین ءَ جاک ءُُ کوکار ءِ وسیلگ ءَ بھارتی میڈیا پروپیگنڈے ءِ موہ ءَ پجاری کنگ بہ بیت ۔ آئی ءَ گوشت کہ قائداعظم محمد علی جناح منی آئیڈیل انت ءُُ بانک فاطمہ جناح ءَ تحریک آزاتی ءِ واستہ سیاسی جہد ءُُ کوشست ءِ ساھت ءَ کرد ارزشتی ایں بوتگ ۔