اسلام آباد ۔ 11 ستمبر (اے پی پی) سائنس و ٹیکنالوجی نا بنجائی وزیر چوہدری فواد حسین تدوک آ دے یوم عاشورنا وخت آ تینا خصوصی کلہو اٹی پارینے کہ حضرت امام حسین ;230; و اونا سنگت آک تینا زندانا قربانی ءِ ترسا شریعت ءِ رکھ تخار ۔ اسہ نجی ٹی وی چینل اسے تون گپ و تران کرسا اوپارے کہ برائی نا چٹفنگ اسکان حضرت امام حسین ;230; نا نظریہ و فلسفہ نا رداٹ جنگ برجاسلک ۔ اوپارے کہ اینو کشمیر و فلسطین اٹی کربلا نا چاگڑد ءِ انتئے کہ ہموڑے رہینگوک آک حضرت امام حسین ;230; ءِ منرہ و او بدی نا واک آتا برخلاف جہد اٹی ءُ و انشاء اللہ او برائی ءِ شکست ایترہ ۔ اوپارے کہ شہدائے کربلاءِ خراج عقیدت پیش کننگ نا گچین انگا وڑدادے کہ اوفتا تعلیمات آتیا حقی وڑاٹ عمل کننگے ۔ بنجائی وزیر قوم آن خواست کرے کہ او محرم الحرام نا وخت آ امن ، سگ و ایلمی نا درشانی ءِ کیر ۔ اوکشمیر نا جہد آجوئی نا سرسہبی نا ہم دعاکرے ۔