حکومت بے کچ متوازن ءُ بجٹ اس پیش کرے ہرا معیشت نا سوگوی و شونداری نا پوسکن آ درگہ غاتے ملک
اسلام آباد۔ 12جون (اے پی پی) وزیراعظم نا خصوصی کمکار اطلاعات و نشریات ڈاکٹر فردوس عاشق اعوان پارینے کہ السی وزیراعظم قوم اتون است انا ہیت ءِ کرسا اوفتا است ءِ کٹانے، عمران خان نا تران قوم انا توار ءِ، حکومت بے کچ متوازن بجٹ اس پیش کرے ہرا معیشت نا سوگوی و شونداری نا پوسکن ءُ درگہ ملک۔ چارشنبے نادے آ تینا ٹویٹ اٹی وزیراعظم نا خصوصی کمکار اطلاعات و نشریات ڈاکٹر فردوس عاشق اعوان پارے کہ الس نا دڑد و احساس وزیراعظم نا تقریر نا بنداوی جزو ئس۔ اوپارے کہ ملک و قوم آ مسلط اِرا خاہوت نا استحصالی راج آ کاری ضرب اس خلسا حقی السی بدلی اتنگ اونا عظیم ءُ کارنامہ اسے۔ ڈاکٹر فردوس عاشق اعوان پارے کہ خراج وصولی نا سلاہ ئی پالیسی گچین مریک، جان جوڑی و تعلیم اٹی گچینی نا ڈٹ ستاکڑزک۔ اوپارے کہ سرکاری ملازم آتا تنخواہ تیٹی ودکی و وزیر آتا تنخواہ تیٹی کمتی تاریخی ءُ فیصلہ اسے۔