غریب دوست بجٹ خلقت نا است ءِ کٹا، بجٹ نا بنداو حکومت نا دانشمندانہ اقتصادی پالیسی تیا تخنگانے، وزیر مملکت ریونیو حماد اظہر

اسلام آباد۔ 12جون (اے پی پی) وزیر مملکت ریونیو حماد اظہر بنجائی بجٹ 2019-20 ء ءِ غریب دوست بجٹ اس گوندسا پارینے کہ بجٹ خلقت نا است ءِ کٹانے۔ ریڈیو پاکستان نا پروگرام اٹی گپ و تران کرسا او بروک آ مالی سال 2019-20 ء نا بجٹ نا ستاءِ کرسا پارے کہ دانا بنداو ءِ پاکستان تحریک انصاف نا حکومت نا دانشمندانہ اقتصادی پالیسی تیا تخنگانے۔ اوپارے کہ حکومت خام مال و ایلو مصنوعات آ ڈیوٹی ٹی کمتی کرینے ہرا جوان ءُ عمل اسے۔ داکان بیدس نن معیشت نا کیہی بشخ آتے خراج نا دنگ اٹ ہم اتینہ ہرا داکان مست خراج نا دنگ آن پیشن ئسر۔ اومستی پارے کہ چندی بشخ آتیا سیلز خراج نا اسہ وڑ شرح ءِ نافذ کننگانے۔ اووضاحت کرسا پارے کہ نن کوشست کرینن کہ امیر تپہ غاتیا خراج خلنگے وخت اس کہ ایلو کنڈ کم کٹیا کروک تپہ غاتے کن تنخواہ ٹی ودکی کرینن۔