اسلام آباد۔ 12جون (اے پی پی) الیکشن کمیشن خیبر پختونخوا ٹی اوار مروک آ ضلع غاتے ٹی 2جولائی آ مروک آ صوبائی اسمبلی نا گچین کاری تے 20 جولائی اسکان پد بٹینے داسہ دا گچین کاریک 20 جولائی آ مریرہ۔ الیکشن کمیشن اٹی چارشنبے نادے آ چیف الیکشن کمشنر جسٹس (ر) سردار محمد رضا نا کماشی ٹی دیوان اس اڈ ہلک۔ ہراٹی وزارت داخلہ، خیبر پختونخواہ حکومت، صوبائی الیکشن کمیشن و ایلو تعلقدار کمامدارآک بشخ ہلکر۔دیوان اٹی الیکشن کمیشن ءِ مسکوہی قبائلی علاقہ غاتا امن و ایمنی و سیکورٹی نا حالیت آتیا حوال تننگا اوکان پد الیکشن کمیشن مسکوہی قبائلی علاقہ غاتا صوبائی اسمبلی نا 16گچین کاری حلقہ غاتے ٹی گچین کاری تے 18 دے اکن پد بٹے، داسہ گچین کاری کن پولنگ 20 جولائی آ مریک۔ الیکشن کمیشن ءِ خیبر پختونخوا حکومت خواست کریسس کہ امن و ایمنی و سیکورٹی نا حالیت آتا سوب دا حلقہ غاتے ٹی اِرا جولائی آ مروک آ گچین کاری تے پد بٹنگے ہراڑا سجفنگ کن دیوان اس بٹنگ انگاسس دیوان اٹی سرجم سجفنگ آن پد گچین کاری تے اِراجولائی نا جاگہ غا 20 جولائی آ کرفنگ نا فیصلہ ءِ کننگا۔