بنجائی حکومت ساڑی حالیت آتے ٹی اسہ جوان ءُ بجٹ اس پیش کرینے، بنجائی وزیر علی امین خان گنڈاپور

اسلام آباد۔ 12جون (اے پی پی) بنجائی وزیر امور کشمیر وگلگت بلتستان علی امین خان گنڈاپور پارینے کہ بنجائی حکومت ساڑی حالیت آتے ٹی اسہ جوان ءُ بجٹ اس پیش کرینے ہراٹی پاکستان نا نیامی و غریب تپہ غا بے کچ کم ءُ بھاریم اس شاغنگانے۔ گدرینگوک آ منہ دہائی آن ملک ہرا کسر آ ہناکہ اوڑان ملک ءِ ناقابل تلافی نسخان رسینگانے ہرانا سوب آن ملک اٹی امیر بندغ و حکمران امیر آن امیر مرسا ہنار و غریب تپہ غریبی و مفلسی نا پین گہرائی تیٹی ہنسا کریرہ۔ چارشنبے نادے آ تینا اسہ بیان اسے ٹی اوپارے کہ پیپلزپارٹی و (ن) لیگ ملک آ ہزار آ ارب نا وام تے ودفسا حقی وڑاٹ ملک انا ماس تے خورک کریر و دشمن نا ناپاک ایجنڈا ءِ مون آ دریر۔ اوپارے کہ اسہ کنڈ ملک آ وام تابھاریم اس شاغار و ایلو کنڈ منی لانڈرنگ کون آ گندہ انگا ڈوہ انا کمک اٹ دا پیسہ غاتے پیشن نا ملک آ گدریفساملک ءِ ناقابل تلافی نسخان تننگا۔