ایمنسٹی سکیم ءِ وسیلگ ءَ کشکول آناں پروشگ ءِ کوشست ءَ کنگ ءَ آں، شاہ محمود قریشی

ملتان۔15 مئی (اے پی پی) وزیر ءِ درئی کار شاہ محمود قریشی ءَ گوشت کہ ایشرا ٹیکس ایمنسٹی سکیم پھگ بوھگ ءَ انت ایش مڈی آنی سہرا کنگ ءِ اسکیم انت ءُُ ایشی ءِ مول ءُُ مراد ریونیو در جنگ نہ انت بلکینگ ءَ ما مڈی آنی مسل آنا شوہازگ ءَ انت ءُُ ایشی ءِ نتیجگ ءَ ٹیکس نیٹ پراھ ءُُ شاھیگان بیت۔ ملتان ءَ پریس کانفرنس ءَ گوں گشتانک دیان ءَ کت آئی ءَ گوشت کہ مارا دیم ءَ جنزگی انت گڈا مار ا کٹ ءَ را گیش کنگ لوٹ ایت۔ مارا ایف بی آر ءَ گھتر کنگ لوٹ ایت ءُُ ایشی ءِ تہ ءَ دُزی ءُُ ڈنگی ھلاس کنگ لوٹ ایت۔ آئی ءَ گوشت کہ گیشینتگیں وھد ءُُ پاس ءَ چہ پد یک رند ءِ پد ءَ ایکشن جوانیں رنگ ءَ بیت ءُُ پدا جائیداد چیر دیگ بنت۔ توامیں سیاسی گل آں وتی سیت ءَ چہ برز تر بوھان ءَ نیشنل ایکشن پلان ءِ سر ءَ تپاک کتگ بوتگ۔ آئی ءَ گوشت کہ کابینہ ءَ مٹ ءُُ بدلی ءِ ھال وتسریں انت، 23مئی ءَ بھارتی الیکشن ءِ آسر کاینت۔ بھارت ءَ ھر کجام گل حکومت ءَ کئیت آئی ءِ سر ءَ تران کنگ بیت۔ آٗی ءَ گوشت کہ ایمنسٹی سکیم ءِ سہرا ئی ءَ چہ کشکول ءَ را پروشگ ءِ کوشست ءَ کنگ ءَ آں۔ شاہ محمو د قریشی ءَ گوشت کہ نوکیں بجٹ ءَ چہ لس مردم ءِ سر ءَ کمو گران لڈگ ءِ کوشست ءَ کناں۔ آئی ءَ یک جستے ءِ پسو ءَ گوشت کہ لستیں مردم آناں بد پیداک انت پمیشکہ پاک چین یکوئی ءِ آماچ کنگ ءِ واستہ چینی ورنا آنی سور ءُُ آروسی ایشو آناں دمینگ ءَ اَنت۔ بازیں مردم آنی لاپ ءَ سی پیک منصوبگ ہضم نہ بوھگ ءَ انت۔