ٹھیلء ُ گیسءِ نوکیں پالیسی تاں اگستءَ کابینہ ءِ دیما پیش کنگ بنت، مزن وزیر ءِ پٹرولیم ڈویژ نءِ حاسیں کمکار ندیم بابر ءِ ڈنمارک ءِ سفیر ءَ گوں گپء ُتران

اسلام آباد۔17مئی (اے پی پی) ن وزیر ءِ پٹرولیم ڈویژ نءِ حاسیں کمکار ندیم بابر ءَ گشتگ کہ گوستگیں پنچ سالاں ٹیلء ُ گیس ءِ درگیجگ ء ُ پیداوار ءِ نوکیں بلاکس لیلام کنگ نہ بوتگ اَنت۔اے گپ ندیم بابرءَ جمعہءِ روچءَ پاکستانءَ ڈنمارک ءِ سفیر رالف مائیکل ءَ گوں گندء ُ نندءَ گشتگ۔ ڈنمارکء ِ سفیر ءَ گشتگ کہ ڈنمارکءِ بازیں بیپار پاکستانءَ زرکاری کنگ لوٹاں۔ حاسیں کمک کارءَ آئیءِ گپ ءِ توسیپ کتگ۔ آئی ءَ پٹرولیم ڈویژن ءِ نوکیں پروجیکٹس ءِ ہوالگءَ گشتگ کہ حکومت 7ترمیم آں گوں ٹھیلء ُ گیسءِ نوکیں پالیسی تاں اگستءَ کابینہ ءِ دیما پیش کنگ بنتء ُ بنجاہی کابینہ ءِ منظوری ءَ پد ایشی ءِ سرءَ عمل کنگ بیت۔ ملکء َ اے وہدءَ 361000مربع کلومیٹرءِ سرءَ ٹیلء ُ گیس ءِ درگیجگ ءِ کار جاری اِنت تاں انوں 1100مربع کلومیٹر ءِ سرءَ ٹیلء ُ گیس ء ِ چات جنگ بوتگ اَنت۔ ڈنمارک ءِ سفیر ءَ توانائی ءِ پڑءَ حکومتی گامگیج ساڑاتگ ء ُ گشتگ کہ ڈنمارک ءِ حکومت پاکستانءَ اے پڑءَ کمک ءَ را گیش کنگ لوٹ ایت۔