مزن وزیر عمران خان ءِ جاپان ءِ سفیر کونی نوری مایسودا ءَ گوں تران

اسلام آباد۔ 16 مئی (اے پی پی) مزن وزیر عمران خان ءَ گوشت کہ آئی ءِ حکومت سرمایہ کاری دوستیں پالیشی ءُُ السی سیت ءِ کار آنی وسیلگ ءَ استیں اقتصادی چیلنج آناں گر ءُُ دار ءِ واستہ جزمیگ انت، پاکستان معیشت ءِ توامیں شوبگ آنی تہ ءَ جاپانی سرمایہ کار آناں وش اتک کنت انت۔ آئی ءَ اے گپ جاپان ءِ سفیر کونی نوری ماتسودا ءَ گوں تران کنان ءَ کت آئی ءَ پنچ شمبے ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ جاپانی سفیر ءَ پاکستان ءُُ جاپان ءِ نیام ءَ دو نیمگی یکوئی ءِ شوبگ آنی سر ءَ ھیال ریچی کت۔ مزن وزیر ءَ سالاں سال ءَ چہ پاکستان ءِ دیمروئی ءَ کلیتی شریکداری ءَ جاپان ءِ کرد ءَ را ساڑات۔ مزن وزیر ءَ اے جزم ءِ سر ءَ زور دات کہ آئی ءِ حکومت ایمنی ءِ دیمروئی، سرمایہ کاری دوست، دیمروئی ءُُ السی کار آنی وسیلگ ءَ اقتصادی چیلنج آنی گر ءُُ دار ءِ جزم درشان کتگ۔ آئی ءَ گوشت کہ پاکستان معیشت ءِ توامیں شوبگ آنی تہ ءَ جاپانی سرمایہ کاری ءَ را وش اتک کنت انت۔ گند ءُُ نند ءَ دوئیں نیمگ ءَ پاکستان ءُُ جاپان ءِ نیام ءَ یکوئی آناں دیمروئی دیگ ءِ ھوالگ ءَ دل یکیمی ءِ درشان کت۔ جاپانی سفیر ءَ پاکستان ءِ گوما وت مہ وتی ءِ تہ ءَ گیشی ءِ واستہ وتی حکومت ءِ سرجمیں کمک کنگ ءِ دل یکیمی دات۔