APP12-15 ISLAMABAD: May 15 - Federal Minister for Planning, Development & Reform Makhdum Khusro Bakhtyar chairing a meeting of the Main Committee on Kazi Methodology. APP photo by Irfan Mahmood

اسلام آباد۔ 15مئی (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار پارینے کہ ساڑی حکومت صوبہ غاتے روا خالص ہائیڈل منافع تننگ کن پرعزم ءِ۔ او چارشنبے نادے آ اسلام آباد اٹی خالص ہائیڈل منافع نا معاملہ غا سجفنگ کن سی سی آئی نا کنڈآن جوڑ کروک مین کمیٹی نا دیوان نا کماشی ءِ کریکہ۔ وزیراعلیٰ خیبر پختونخوا نا سلاہکار توانائی، پاور ڈویژن، ڈٹ بندی، آبی وسیلہ و آئی پی سی وزارت آتا سیکرٹری، باسک توانائی و تعلقدار وزارت آتا بڑزکو کمامدارآک ہم دیوان اٹی ساڑی ئسر۔ دیوان اٹی تکنیکی ذیلی کمیٹی نا رپورٹ آ گپ و تران کننگا ہرا سیکرٹری پاور ڈویژن نا کماشی ٹی خالص منافع/ریٹ انا معاملہ غا سجفنگ کن جوڑ کننگاسس۔ دیوان اٹی دا معاملہ غا غٹ اہم اسٹیک ہولڈر آتا نقطہ نظر آہم سجفنگا۔ بنجائی وزیر اومیت نا درشانیءِ کرے کہ خالص ہائیڈل منافع ناتعین ءِ کننگ نا بابت آن غٹ معاملہ غاتے ایسر کننگک، آئین نا آرٹیکل 161(2) نا رداٹ خالص ہائیڈل منافع دا صوبہ ءِ ادا کننگک، ہراڑے ہائیڈل پاور اسٹیشن واقع مریک۔ میٹنگ اٹی فیصلہ کننگاکہ دا معاملہ غا پین سجفنگ کن اسہ ہفتہ سے آن پد ولدا دیوان اس بٹنگ انگک۔