بروک آ چار دے اٹی لاہور تون اوار ملک انا گیشتر علاقہ غاتے ٹی پِر انا گمان

لاہور۔ 15مئی (اے پی پی) محکمہ موسمیات بروک آ چار دے اٹی ملک انا چندی علاقہ لاہور، راولپنڈی، گوجرانوالہ، سرگودھا، فیصل آباد، ساہیوال، ملتان، ڈی جی خان، بہاولپور، خیبر پختونخوا نا مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن، اسلام آباد بلوچستان نا کوئٹہ، ژوب، قلات، مکران، سبی، نصیر آباد ڈویژن، بڑزکو سندھ انا سکھر لاڑکانہ، شہید بے نظیر آباد، گلگت بلتستان و کشمیر اٹی جاگہ جاگہ غا آندھی و ہورہ و گروک تون پِر انا پیش گوئی کرینے۔ محکمہ موسمیات نا رداٹ بروک آ بیست ءُ چار گھنٹہ ٹی مکران، قلات، ژوب و ڈی جی خان ڈویژن اٹی گڑاس ہند آتیا پِر مننگ نا گمان ءِ۔ پنچ شنبے آن جمعہ نا وخت و پاس اٹ ملک انا چندی علاقہ غاتے ٹی دے انا درجہ حرارت اٹ معمول آن 04 آن 06 ڈگری کمتی نا پیشگوئی کننگانے۔ تدوک آ دے ریکارڈ کروک آ باسن انگا ہند آتا درجہ حرارت نا رداٹ دادو47، شہید بے نظیر آباد46، پڈعیدن و موہنجوداڑو 44ڈگری سینٹی گریڈ ریکارڈ کننگا، وخت اس کہ لاہور، فیصل آباد، ملتان و سرگودھا ٹی 36، اسلام آباد 34، کراچی و پشاور 35 و کوئٹہ ٹی 31 سینٹی گریڈ ریکارڈ کننگا۔