وزیراعظم عمران خان تون برطانوی پارلیمان نا باسک برینڈن لیوس نا اوڑدہی، ہڑتوم آ کنڈآتا تعلقداری، واپاری و زرکاری رابطہ غاتا سوگوی، پاکستانی برادری نا کڑد و ڈیہہ نا جم اٹنگا حالیت آتیا گپ و تران

اسلام آباد۔ 15 اپریل (اے پی پی) وزیراعظم عمران خان تون برطانوی پارلیمان نا باسک برینڈن لیوس دوشنبے نادے آ وزیراعظم آفس اٹی اوڑدہی کرے ہراٹی پاک برطانیہ ہڑتوم آ کنڈآتا تعلقداری، واپاری و زرکاری رابطہ غاتا سوگوی، پاکستانی برادری نا کڑد و ڈیہہ نا جم اٹنگا حالیت آتیا گپ و تران مس۔ وزیراعظم حکومت نا اصلاحاتی ایجنڈا ءِ تالان کرسا ملک اٹی کاروباری برادری نا آسراتی و کاروبار اٹی آسانی کن چست کروک آ گام گیج آتے مون آ تخا۔ برینڈن لیوس ہڑتوم آ ملک آتا نیام اٹ واپاری تعلقداری و گیشتر وارخواہی تیا گپ و تران کرسا اومیت ظاہر کرے کہ ڈیہہ ٹی سیکورٹی نا گچین حالیت آتیان برطانوی کمپنی نا کنڈآن زرکاری ٹی نمان ودکی مریک۔ چیئرمین بیسٹ وے سیمنٹ سرانور پرویز ہم اوڑدہی ٹی ساڑی ئس۔