منیجنگ ڈائریکٹر ایسوسی ایٹڈ پریس آف پاکستان محمد قمراللہ چوہدری ءِ ایرانی رسانکدر (ارنا) ءَ را گلگدار

اسلام آباد ۔ 17 اپریل (اے پی پی) منیجنگ ڈائریکٹر ایسوسی ایٹڈ پریس آف پاکستان(اے پی پی)محمد قمراللہ چوہدری ءَ گوشت کہ پاکستان ءُُ ایرانءِ مہلوک ءِ میان ءَ نزیکیں رھوت دودیمی سیادی ءِ ھاسیں بھر انت۔مزن وزیر عمران خان ءِ آوکیں ایران ءِ تروتاب چہ دودیمی سیادی گیش مھکم بنت۔ایرانی رسانکدر ایجنسی (ارنا) ءَ را گلگدار دیان ءَ محمد قمراللہ چوہدریءَ گوشت کہ مزن وزیر عمران خان 21اپریل چہ ایران ءِ تروتاب ءَ کنگ انت ءُُ اے تروتاب چہ دودیمی براھندگی ءِ سیادی گیش مھکم بنت۔دوئیں ملکانی میان ءَ راج دپتری ،مذہبی ،ربیدگی ءُُ سیاسی سیادی انت۔دوئیں ملک ہمک گرانیں وھد ءِ تہ یک دومیگ ءَ گوں اوشتاتگ انت ءُُ لہتیں میاں اوستمانی معاملہانی سرا ہروھد یک دومیگ ءِ پلہ مرزی کتگ ات۔ایم ڈی اے پی پی ءَ یک جستے پسو دیان ءَ گوشت کہ مزن وزیر عمران خان ءِ ایران ءِ موہ ءِ سرا مشرق وسطیٰ ءُُ سیمسری معاملہانی سرا چار ءُُ بچار کنگ بنت۔آہاں گوشت کہ مہلوک ءِ میان ءَ نزیکیں رھوت دوئیں ملکانی مزنیں تاگت انت۔آہاں گوشت کہ مزن تکے سرا ڈل ءِ مٹ ءُُ سٹ چہ ملک یک دومیگ ءَ گوں نزیک آھگ انت ءُُ دودیمی کمک ءِ تہ ودکی ءِ سبب جوڈ بوھگ انت۔میڈیا کمک ءَ را مھکم کنگ ءِ ھوالہ چہ قمراللہ چوہدری ءَ گوشت کہ نوکتریں دگنیا یک گلوبل سٹی جوڈ بوتگ انت ایشی ءِ تہ میڈیا ءِ کرد ھاس انت۔نوں میڈیا ءِ ڈیجیٹلائزیشن ءِ سرا سرجمیں دلگوشی دیگ بوھگ انت،مزن مزنیں میڈیا ہاوسز ءُُ نیوز ایجنسی آنی بقا ءِ دارومدار دگہ نیوز ایجنسی ءَ گوں کمک ءُُ رھوت ءِ سرا انت۔آہاں گوشت کہ ارنا ءُُ اے پی پی ءِ میان ءَ گیش مھکمکنگ ءِ ضلورت انت۔جوائنٹ کمپری ہنسیو پلان آف ایکشن چہ امریکی انخلاء ءِ حوالہ چہ قمراللہ چوہدریءَ گوشت کہ ایران ءَ را پرامنیں ایٹمی پروگرام جاری ایرکنگ ءِ چکاریں حق انت۔آہاں گوشت کہ ایران جے سی پی او اے چہ باروا میاں اوستمانی کانود ءِ پاسداری کنگ انت۔ایشی ءِ تائید میاں اوستمانی ادارگ برائے جوہری ھاٹیگ ءَ ھم کتگ انت۔بلے بدبہتی چہ لہتیں ریاستاں ءَ را صیہونی ریاست ءَ را ھطرناک ایٹمی مراگش برجاہ دارگ ءِ اجازت دیگ بوتگ ءُُ دگنیا ھاموش تماشائیءِ کرد ادا کنگ انت۔آہاں گوشت کہ ایران ءِ پرامنیں ایٹمی مراگش ءِ ھوالہ چہ مگربی نقطہ نظر ساڑ ءُُ بھیسہ ءَ ھوار انت۔ایم ڈی اے پی پی ءَ جے سی پی او اے ءِ گوماامریکی یک وڈیں انخلا ابید جواز گوشتگ ات۔