مزن وزیر عمران خان ءِ کوئٹہ ءِ تہ نوکیں پاکستان ہاوسنگ سکیم ءِ منصوبگ ءِ بُن ہشت ایر کنگ ءِ مراگش ءَ گوں تران

کوئٹہ ۔21اپریل (اے پی پی) مزن وزیر عمران خان ءَ گوشت کہ ملک ءِ تہ اے گوشگ بوھگ ات کہ مئے بیوروکریٹ کار ءَ مہ کنگ ات بلے آہاں ہاوسنگ منصوبگ ءِ ھاترا جنونی وڈ ءَ کار کتگ۔مہ 50لکھ گسانی جوڈ ءِ مراگش اے ھاترا جوڈ کتگ کہ ایشی ءِ دو سئے ھاسیں پہلو ات،لس مردمانی وتی گس ایشی ءِ درستاں چہ مزنیں ضلورت بوھگ انت تنکہ ایشی ءِ سر ءِ سرا چھت بیت،اگہ زر بنت توشما گس ءَ جوڈ کت کن ایت ءُُ پاکستان ءِ تہ ایوکا مالدار ءِ مردم وتی گس ءَ جوڈ کنگ ءِ سوچ کت کن انت،مئے تنخواہ دار تبک ءِ تہ کرپشن ءِ مزنیں سبب اے ہم انت کہ ملازم پگھارءَ چہ گس ءِ جوڈ ءِ تصور ءَ کت مہ کنگ انت پرچا کہ گس ءِ جوڈ ءُُ جاڑی ءِ ھاترا زمین ءُُ دگہ ھرچانی ضلورت بوھگ انت ،گوست ءِ تہ زمین ءِ قیمت آنی ءُُ ھرچانی تہ ہمہ وڈ ءَ کہ ودکی اتکگ ہمکتر ودکی ملازمانی پگھارانی تہ مہ بوتگ،پاکستان ءِ تہ فی کس آمدنی ءِ ھساب ءَ گوں گسانی تعمیر ءِ ھاترا وامانی شرح 0.2درسد انت،ایشی ءِ تہ ودکی ءِ ھاترا کانود ءِ تہ بدلی آرگ اوں تنکہ مردماں را گسانی جوڈ کنگ ءِ ھاترا وام رسنت۔بنجاہی وزیر ہاؤسنگ طارق شیر چیمہ ءِ سیادی مسلم لیگ (ق) ءِ گوما انت بلے مروچی ایشی ءِ گشتانک ءِ تہ پی ٹی آئی ءِ جنون نظر آھگ ات۔اے ھیالانی درشان آہاں یک شمبے ءَ کوئٹہ ءِ تہ نوکیں پاکستان ہاؤسنگ سکیم ءِ منصوبگ ءِ بن ہشت ایر کنگ ءِ مراگش ءَ گوں تران کنان ءَ کتگ ات۔مزن وزیر ءَ گوشت کہ مروچی من بلوچستان ءِ باندات ءِ گوما توارکنگ اوں،ہمہ کہ نودربر ءُُ ورناہ انت۔مزن وزیر ءَ گوشت کہ پیسر ءَ ہاوسنگ ءِ سرا گپ ءُُ تران کناں پدا شمے ھاترا ھاسیں کلوھ بیت۔آہاں گوشت کہ مہ 50 لکھ گسانی جوڈ ءِ مراگش اے ھاترا جوڈ کتگ پرچا کہ ایشی ءِ دو سئے ھاسیں پہلو انت۔مزن وزیر ءَ گوشت کہ 1935ءِ تہ یک بریگیڈیئر ءُُ کمشنر ایک ماہ ءِ پگھار چہ 72 تولہ سہر ءَ گپت کنگ ات، قیام پاکستان ءِ وھد ءَ منی پت انجینئر ات ءُُ آں یک ماہ ءِ پگھار چہ گاڑی ءَ بہا گپت کت ات بلے ایشی ءِ برعکس مروچی تنخواہ دار تبک ءِ ھاترا باز گران بوتگ وھدیکہ مزدور ءُ غریب تبک ءِ ھاترا اے ھوالہ چہ گیش جنجال پیش انت۔مزن وزیر ءَ گوشت کہ پاکستان ءِ تہ بینکانی نیمگا چہ گسانی جوڈ جاڑی ءِ ھاترا داتگیں وامانی شرح باز کم انت۔ یورپی ممالک ءِ تہ کجام ملک ءِ فی کس آمدنی ءِ ھساب ءَ چہ 80 تا 90 درسد وام پھجارگ بوھگ انت وھدیکہ ملائیشیاءِ تہ اے شرح 30درسدءُُ ہندوستان ءِ تہ10درسد انت بلے پاکستان ءِ تہ فی کس آمدنی ءِ ھساب چہ گسانی جوڈ ءُُ جاڑی ءِ ھاترا وامانی پھجارگ ءِ شرح0.2درسد انت ،ایشی ءِ تہ ودکی ءِ ھاترا کانود ءِ تہ بدلی آرگ اوں تنکہ مردماں را گسانی ھاترا وام مل انت۔مزن وزیر ءَ گوشت کہ اسٹیٹ بنک آف پاکستان ءَ دگہ بینکءَ را گسانی تعمیر ءِ ھاترا کڈنی داتگ ات وھدیکہ حکومت جندی تک ءِ شراکت داری ءَ گوں ہاوسنگ منصوبگ ءَ را سرجم کن ایت۔پنچ سال ءِ پدا بیت کہ شما چارایت کہ 50لکھ گس جوڈ بنت۔آہاں گوشت کہ ہاؤسنگ منصوبگ ءِ تہ چین ، ملائیشیاء ءُُ برطانیہ ءِ کمپنی سرمایہ کاری کنگ انت ایشی چہ کلدار ءِ جیڈھ حل بہ بیت۔آہاں گوشت کہ ہاوسنگ ءِ تک چہ 40چہ گیش صنعت ہمگرنچ انت ءُُ تعمیراتی کارانی گیش بوھگ چہ اے صنعتانی تہ روزگار ءِ پھجارگ گیش بیت۔مزن وزیر ءَ ورناہانی سرا زور مان کتگ کہ آن سرکاری نوکری پولگ ءِ ابید وتی بیئپار ءَ کن انت پرچا کہ ہمہ ملک ءِ تہ بیئپار دیمروئی کن ایت تو ہمہ ملک دیمروئی کن ایت۔آہاں گوشت کہ 40،50سال پیسر وھدیکہ میچ کنگ ءَ کوئٹہ ءَ اتکگ ات تو ہمہ وھد ءَ شہر ءُُ مروچیگیں کوئٹہ باز جتا انت۔آہاں گوشت کہ شہر ءِ ماسٹر پلان جوڈ کنگ از الم انت تنکہ بنیاتی آسراتی ءِ پھجارگ ءِ ھوار چاگرد ءَ را ھم رکھگ بیت۔آہاں سر وزیر بلوچستان ءَ را کڈنی دات کہ آں شہر ءِ تالانی ءَ را دارگ ءِ ھاترا برزیں ماڑیانی جوڈ ءِ موہ ءَ دنت ہمہ وڈ ءَ کہ دبئی،لندن ءُُ نیویارک ءِ تہ ماڑی جوڈ انت۔مزن وزیر ءَ گوشت کہ پیسریگیں حکومت ءُُ استیں حکومت ءِ تہ اے پرک انت کہ آہانی ماڈل کسے دگہ ات بلے ہمک مسلمان ءِ وڈ ءَ مئے ماڈل مدینہ ءِ ریاست انت ایشی ءِ تہ 700سال ءِ تاں مسلمانانی تہذیب ءَ را عظیم جوڈ کتگ۔مزن وزیر ءَ نودربرانی سرا زور مان کت کہ آں مدینہ ءِ ریاست ءِ ماڈل ءِ سٹڈی ءَ کن انت ،بانی پاکستان قائد اعظم محمد علی جناح ءَ ھم مدینہ ءِ ریاست ءِ ماڈل ءِ وڈ ءَ گوشت ات کہ پاکستان یک اسلامی فلاحی ریاست بیت پرچا کہ ریاست مدینہ ءِ تہ نزوریں تبکاں را دیمروئی دیگ بوتگ ءُُ مہ اے رنگ ءَ کنیں۔ مزن وزیر ءَ گوشت کہ سر وزیر وتی صوبگ ءِ جیڈھ ءَ چہ سرپد انت اے ھاترا جیڈھاں را حل کنگ ءِ تہ کمک رسیت۔ورناہاں گوں توار کنان ءَ آہاں گوشت کہ شمارا یات بہ بیت کہ شمے ملک ءَ بے دردی ءَ گوں لٹ ءُُ پل کنگ بوتگ۔مزن وزیر ءَ گوشت کہ 2008ءِ تہ مئے وام 6ہزار ارب کلدار ات ہمہ کہ گیش بوان ءَ 2018ءِ تاں 30ہزار ارب کلدار بوتگ ات۔مزن وزیر ءَ گوشت کہ بنجاہ ءِ کرءَ 25سد ارب کلدار ٹیکس پج بوھگ انت ایشاں چہ دوہزار ارب کلدار وامانی قسط آنی سرا روگ انت، 25 سد ارب کلدار صوبگانی بھر جوڈ کنگ انت وھدیکہ سیکیورٹی ءِ سرا17سد ارب کلدار ھرچ بوھگ انت۔اے وڈ ءَ بنجاھ 7 سد ارب کلدار ءِ تاوان ءَ چہ مالی سال ءَ بنا ء کنگ انت۔آہاں گوشت کہ اگہ وامانی قسط آنی تہ دوہزار ارب کلدار مہ دیگ بنت تو مئے زرءِ جیڈھ ھلاس بنت ءُُ مئے ملک دیمروئی کن ایت۔مزن وزیر ءَ گوشت کہ مئے ملک گونڈوءِ وھد ءِ ھاترا گرانیں وھد ءَ چہ گوزگ انت پرچا کہ آپریشن ءِ پدا نادراھ ءَ را کمی تکلیف بوھگ انت بلے آں جان دراھ بوھگ انت۔مزن وزیر ءَ وتی گشتانک ءِ گڈی بھر ءَ نودربران ءُُ ورناہانی جوزگ ءِ ستا کتگ۔مزن وزیر ءَ گوشت کہ بلوچستان ءِ تہ یک لکھ دھ ہزار گسانی جوڈ ءِ بنداتی منصوبگ بندات کتگ ایشانی تہ ماہی گیرانی ھاترا گیشاں گیش گس جوڈ کنیں۔مراگش ءِ تہ گورنر ءُُ سروزیر بلوچستان، بنجاہی وزیر ہاؤسنگ،بنجاہی ءُُ صوبائی وزیر،پارلیمنٹ باسکانی ھوار نودربراں ءُُ ورناہاں مزنیں کچ ءَ بھرزوری کتگ۔