مزن وزیر عمران خان ءِ کنزرویٹو پارٹی ءِ چیئرمین برطانیوی مزن گسی باسک برینڈن لیوس ءَ گندءُ نند

اسلام آباد۔15اپریل (اے پی پی ) مزن وزیر عمران خان ءَ گشت کہ پاکستان ءُ برطانیہ ءِ نیامءَ دیریگیں سیادی اَست۔ آئیءَ گشتگ کہ دوئیں ملک اے سیادیءَ را شریداری ءَ مٹ کنگءِ ضلورت اِنت۔ آئیءَ اے گپ برطانیہ ءِ کنزرویٹو پارٹی ءِ چیئرمین برطانیوی مزن گسی باسک برینڈن لیوسءَ گوں گپءُ تران کنانءَ کتگ کہ آہاں مزن وزیر کارگسءَ یکے دومی ءَ گندءُ نندکتگ۔ چیئرمین بیسٹ وے گروپ سر انور پرویز، سی ای او بیسٹ وے گروپ ضمیر چوہدری ہم آئیءِ ہمراہ بوتگ۔ مزن وزیرءَ گشتگ کہ پاکستان یورپ ءَ برطانیہ ءَ را ہاسیں دیمروئی ءُ بیپاری زرکاری شریدار لیک اِیت۔ مزن وزیر بھارت ءُ اوگانستان ءَ ہوار دمگی جاورھالانی ہوالگءَ گشتگ کہ پاکستان وتی درسیں ہمسائگ ملک آں گوں ایمنءُ ایمنیں سیادی ءِ لوٹوک اِنت۔ آئیءَ مقبوضہ کشمیرءَ بھارتی اُردانی ناشرکاری ءِ ہوالگءَ گپ ءُ تران کتگ۔ آئی ءَ پلوامہ وئیلءَ پد جاورھالءَ گرءُ دار کنگءَ مزن وزیرءِ توسیپ کتگ۔ آئیءَ برطانوی مزن وزیر تھریسا ءِ نیمگءَ چہ مزن وزیر عمران خانءَ را برطانیہ ءِ ترءُ تاب کنگءِ دعوت ہم داتگ۔