مزن وزیر عمران خان ءِ شاہ آمید گسءِ بار ایسوسی ایشن ءِ ڈل ءَ گوں گپءُ تران

اسلام آباد۔15اپریل (اے پی پی) مزن وزیر عمران خان ءَ گشتگ کہ ملک ءَ انصاف ءِ نظام ءَ را جوانءُ ارزان کنگءِ ھاترءَ وکیل ءِ کرد بنکی ارزشت داریت، محکمیں بار ایسوسی ایشنز ملک ءَ آمید گساں محکم کنگءَ کرد پیلو کنت ، حکومت بار ایسوسی ایشنز ءِ جیڑہءُ جنجالاں ہلاس کنگءَ کمک کنت۔ آئی ءَ اے گپ شاہ آمید گس بار ایسوسی ایشن ءِ ڈل ءَ گوں گپءُ تران کنانءَ کتگ کہ آہاں دوشمبے ءِ روچءَ یکے دومی ءَ گندءُ نندکتگ۔ ڈلءِ سروکی شاہ آمید گس بارایسوسی ایشن ءِ سروک امان اللہ کنرانی ءَ کتگ۔ درائیں صوبہ آں گوں سیادی داروکیں ایگزیکٹوباسک ہم گندءُ نندءَ ہوار بوتگ اَنت۔ سپریم کورٹ بار ایسوسی ایشن ءِ صدرءَ بار ءِ نیمگءَ چہ مزن وزیر ءِ وژن ءُ حکومت ءِ ایجنڈا ءَ را ساڑاتگءُ گشتگ کہ انوگیں پاک بھارت کشءُ چیل ءَ مزن وزیر ءَ رھشونی کرد پیلو کتگ لکھ ستاہ کرزیت۔ بار ءِ صدرءَ وکیل آنی جیڑہءُ جنجالاں چہ مزن وزیرءَ را سرپد کتگ۔ گندءُ نندءَ حالءُ احیوال کاری ءُ شنگکاری ءِ بنجاہی وزیر چوہدری فواد حسین ہم ساڑی بوتگ۔