مزن وزیر عمران خان ءِ سر وزیر بلوچستان ءِ مشیر برائے لیئب ءُُ ربیدگ عبدالخالق ہزارہ ءُُ پیسریگیں باسک بنجاہی اسمبلی ناصر علی ہزارہ ءِ سروکی ہزارہ کمیونٹی ءِ ڈل ءِ گوما گپ ءُُ تران

کوئٹہ۔ 21 اپریل (اے پی پی) مزن وزیر پاکستان عمران خان ءَ کوئٹہ ءِ تہ ناشرکاری ءِ شکار بوتگیں مردمانی کہول ءِ ھاترا نوکیں پاکستان ہاوسنگ سکیم ءِ تہ پنچ درسد کوٹہ ءِ جار جنان ءَ گوشت کہ سیکورٹی فورسز ءُُ مہلوک ءِ قربانیانی آسر ءَ ماتیں وتن ءِ سالمیت قائم انت۔شہیدانی پشتپدان ایوکا یل مہ کنگ بیت وھدیکہ ناشرکارانی قلع قمع ءِ ھاترا سرجمیں کارروائی برجاہ دارانت۔اے گپ آہاں یک شمبے ءَ کوئٹہ ءِ تہ سر وزیر بلوچستان ءِ مشیر برائے لیئب ءُُ ربیدگ عبدالخالق ہزارہ ءُُ پیسریگیں باسک بنجاہی اسمبلی سردار ناصر علی ہزارہ ءِ سروکی ءَ گند ءُُ نند کنوکیں ہزارہ کمیونٹی ءِ ڈلے گوما گپ ءُُ تران کنان ءَ کتگ ات۔مزن وزیرءَ گوشت کہ گوستگیں دھ سالانی تہ ہزارہ براتری ءَ را ٹارگٹ کنگ بوھگ انت ہمہ کہ قابل ایراد ءِ گپ انت، ملک دژمن عناصر ءِ کوشست انت کہ مہلوک ءِ میان ءَ ساڑ ءُُ بھیسہ ءُُ افراتفری ءَ ودی کن انت، پاکستان ءِ تہ نشتگیں دراھیں تبکءُُ مہلوک ءَ را یکجہتی ءُُ تپاکی ءِ درشان کنان ءَ اے رنگیں دراھیں پندلءَ را بے سوب کنگ بیت۔ناشرکاری ءِ گرودار ءِ ھاترا راجی یکجہتی باز الم انت۔آہاں گوشت کہ انسانی جانانی ہچ مٹ نیست انت اے واکیہ چہ اثرمندءِ ھاندان ءَ گوں ڈکھ ءِ تہ بروبر ءِ شریک انت۔اے درگت ءَ مزن وزیر ءَ ہزار گنجی ءِ تہ شہید بوتگیں مردمانی کہول ءِ گوما دلپدردی کت ءُُ شہیدانی ثواب ءِ ھاترا دعا ھم کتگ۔اے درگت ءَ گورنر بلوچستان امان اللہ یاسین زئی، سروزیر بلوچستان جام کمال خان، ڈپٹی سپیکر راجی اسمبلی قاسم خان سوری، بنجاہی ءُُ صوبائی وزراء ، اسمبلی باسک ءُُ مزن تک ءِ سرکاری واکدار ھم ساڑی اتنت۔