چیئرمین سینیٹ صادق سنجرانی تون بنجائی وزیر آبی وسیلہ و چیئرمین واپڈا نا اوڑدہی

اسلام آباد۔ 11 فروری (اے پی پی) چیئرمین سینیٹ محمد صادق سنجرانی تون بنجائی وزیر آبی وسیلہ فیصل واوڈا و چیئرمین واپڈا لیفٹیننٹ جنرل (ر) مزمل حسین اونا چیمبر اٹی اوڑدہی کریر و اودے ملک اٹی جاری شونداری ڈٹ آتا بابت معلومدار کریر۔ داوخت آ گپ و تران کرسا چیئرمین سینیٹ ملک اٹی عمومی وڑاٹ و بلوچستان اٹی خاص کر دیر انا کمتی ءِ پورو کننگ کن جاری ڈٹ آتا زوت پوروی و دیر انا کاختی علاقہ غاتے ٹی پوسکن ءُ ڈٹ بناکننگ نا پارت کرے۔ چیئرمین سینیٹ پارے کہ بلوچستان نا علاقہ چاغی ٹی پوسکن ءُ ڈیم جوڑ کننگ کن دیر ارے، ولے دا چرجوئی ٹی عملی گام گیج چست کننگ نا گرجءِ۔ چیئرمین سینیٹ نا پارت آ چیئرمین واپڈا باوری ترفے کہ چاغی نا علاقہ ٹی ڈیم جوڑ کننگ کن ڈغاری حق آتا جاچ ءِ ہلنگ کن واپڈا نا چاہندار آتا ٹیم اس ہمونگیا گدریفنگک و ڈیم انا زوت آن زوت جوڑ کننگ کن عملی گام گیج چست کننگک۔ بنجائی وزیر آبی وسیلہ دا چرجوئی ٹی حکومت نا کنڈآن ہر وڑ کمک نا یخین دہانی کرفے۔