بنجاہی وزیر آپی وسیلگ فیصل واوڈا ءِ گوما امریکی سفیر پال جونز ءِ گند ءُُ نند

اسلام آباد ۔ 11 فروری (اے پی پی)بنجاہی وزیر آپی وسیلگ فیصل واوڈا ءِ گوما امریکی سفیر پال جونز ءَ دوشمبے ءَ اِدا گند ءُُ نند کتگ ءُُ آپ ءِ معاملہانی ھوار لہتیں پِڑ ءَ دودیمی کمک ءِ سرا ھیال ریچی کتگ۔آہاں گوں گپ ءُُ تران کنان ءَ فیصل واوڈا ءَ امریکی سفیر ءَ را تحریک انصاف ءِ وژن چہ سرپد کتگ۔آہاں گوشت کہ پی ٹی آئی حکومت ءِ پالیسیاں چہ شریں آسر آھگ بناء بوتگ ات،اے پاکستان ءِ تہ سرمایہ کاری ءِ ھاترا گہتریں وھد انت،عمران خان حکومت ءِ کرپشن ءِ سرا زیرو ٹالرنس پالیسی انت،فیصل واوڈا ءَ کمک ءِ سرا امریکی سفیر ءِ منت گپت ات۔آہاں گوشت کہ مزن وزیر عمران خان ءِ وژن ءِ ردا ڈیمانی جوڈ کنگ حکومت ءِ اولی دلگوشی انت، ڈیم فنڈ ءِ تہ راج ءَ دل پچ کت عطیہ جم کنائینتگ ات۔اے راج ءِ حکومت ءِ سرا اعتمادءِ پدرائی انت۔امریکی سفیر ءَ پاکستانی حکومت ءَ گوں سرجم کمک ءِ سدکی داتگ۔