بنجائی وزیر ڈٹ بندی، شونداری ، اصلاحات و شماریات مخدوم خسرو بختیار نا اکنامک ایڈوائزری کونسل ءِ ڈٹ انا مسودہ آ حوال اٹی گپ و تران

اسلام آباد۔ 22 فروری (اے پی پی) بنجائی وزیر ڈٹ بندی، شونداری ، اصلاحات و شماریات مخدوم خسرو بختیار پارینے کہ معیشت نا غٹ بشخ آتا شونداری کن گام گیج کننگک، 12می پنچ سالہ ڈٹ ساڑی حکومت نا وژن نا عکاس ءِ۔ داخیال آتا درشانی ءِ او جمعہ نادے آ اکنامک ایڈوائزری کونسل ءِ 12می پنچ سالہ ڈٹ انا مسودہ غا احوال اٹی کرے۔ داوخت آ وزیراعظم نا سلاہکار کامرس و انڈسٹری عبدالرزاق داؤد، اکنامک ایڈوائزری کونسل نا باسک آک، سیکرٹری پلاننگ ظفر حسن و وزارت نا بڑزکو کمامدارآک ہم ساڑی ئسر۔ بنجائی وزیر پارے کہ 12می پنچ سالہ ڈٹ انا ہر سال جاچ ءِ ہلنگک تانکہ دانا غٹ ہدف آتے دوئی کننگ مرے۔ معیشت نا غٹ بشخ آتا شونداری کن گام گیج کننگک۔ مخدوم خسرو بختیار پارے کہ 12می پنچ سالہ ڈٹ ساڑی حکومت نا وژن نا عکاس ءِ ۔ داوخت آ سیکرٹری پلاننگ ظفرحسن پارے کہ داوخت اسکان غٹ اسٹیک ہولڈر آتون 12می پنچ سالہ ڈٹ انا مسودہ غا 30آن زیات سلابتی دیوان مسنے۔