قومی اسمبلی نا کمیٹی تے فعال جوڑ کننگ کن اپوزیشن تون اواری اٹ اڑاند آتے چٹفنگے، اسپیکر

ہندن ءُ کانود سازی اس کننگے ہرانا براہ راست فائدہ الس اسکان سرمرے
اسلام آباد۔ 10 جنوری (اے پی پی) اسپیکر قومی اسمبلی اسد قیصر پارینے کہ کانود سازی نا بابت قومی اسمبلی ءِ مثالی ءُ ادارہ اس جوڑ کننگ خواوہ، ہندن ءُ کانود سازی اس کننگے ہرانا براہ راست فائدہ الس اسکان سرمننگ کے۔ پنچ شنبے نادے آ وزیر مملکت پارلیمانی امور علی محمد خان اسپیکر قومی اسمبلی اسد قیصر تون پارلیمنٹ ہاؤس اٹی اوڑدہی کرے ہراٹی کانود سازی نا بابت معاملہ غاتیا گپ و تران کننگا۔ اسپیکر وزیر مملکت پارلیمانی امور علی محمد خان ءِ پارت کرے کہ قومی اسمبلی نا بروک آ سیشن اٹی قائمہ کمیٹی تا ٹہیفنگ نا عمل ءِ پورو کننگے و غٹ کمیٹی تے فعال جوڑ کننگ کن اپوزیشن تون اواری اٹ غٹ اڑاند آتے چٹفنگے۔ قائمہ کمیٹی تا بابت حکومت و اپوزیشن اواری اٹ اسہ ایلو نا اختلاف آتے چٹفر اوپارے کہ نن ہندن ءُ کانود سازی اس کننگ خوانہ ہرانا براہ راست فائدہ الس ءِ مرے انتئے کہ الس تینا ویل آتا ایسری کن ہی ننے گچین کرسا ایوان تیا گدریفک۔ اسپیکر نا پاننگ ئس کہ کانود سای نا بابت قومی اسمبلی ءِ مثالی ءُ ادارہ اس جوڑ کننگ خوانہ۔