صدر مملکت ڈاکٹر عارف علوی ءَ گوں کشمیر کونسل برائے بنی آدمی ھک ءَ صدر ڈاکٹر سید نذیر گیلانی ءِ گند ءُُ نند، مقبوضہ کشمیر ءَ بنی آدمی ھک آنی ھلاپ کنگ ءِ سر ءَ ھیال ریچی

اسلام آباد۔ 10 جنوری (اے پی پی) صدر مملکت ڈاکٹر عارف علوی ءَ گوشت کہ بھارتی مقبوضہ کشمیر ءَ بنی آدمی ھک آنی لگت مالی ءَ ٹوھیں تک ءَ پٹ ءُُ پول ءِ واستہ کمیشن آف انکوئری برجا کنگ بہ بیت۔ صدر ءِ مملکت ءَ گوں جموں کشمیر کونسل برائے بنی آدمی ھک ءِ صدر ڈاکٹر سید نذیر گیلانی ءَ پنچ شمبے ءِ روچ ءَ ادا گند ءُُ نند کت ءُُ مقبوضہ کشمیر ءَ بنی آدمی ھک آنی ھلاپ ءِ بابت ءَ ھیال ریچی کت۔ صدر ءِ مملکت ءَ ڈاکٹر نذیر گیلانی ءُُ آئی ءِ گل ءِ نیمگ ءَ مقبوضہ کشمیر ءَ بنی آدمی ھک آنی جاور ھال آنی سہرا کنگ ءِ گامگیج ءَ را ساڑات ءُُ کشمیری سروک آناں زور پر دات کہ آ اے جیڈھ ءِ بنیاتی پریک ءِ بستار ءَ جیڈھ ءَ را دُگنیا ءِ دیم ءَ آرگ ءَ وتی کرد ءَ پیلو بکن ات۔ صدر ءِ مملکت ءَ اے جزم ءِ درشان کت کہ اقوام ءِ متحدہ ءِ ہائی کمشنر برائے بنی آدمی ھک ءِ رپوٹ بھارتی مقبوضہ کشمیر ءَ بھارت ءِ ظلم ءُُ لگت مالی ءِ بابت ءَ پاکستان ءِ دم پہ ساھت گپ ءَ را گرگ ءَ انت گوں ۔ آئی ءَ اے جیڈھ ءِ الکاپیں پٹ ءُُ پول ءِ واستہ کمیشن آف انکوائری ءِ برجا کنگ ءِ لوٹ کت۔ آئی ءَ گوشت کہ دگنیا ءِ دیم ءَ مقبوضہ کشمیر ءَ ٹوھیں تک ءَ بنی آدمی ھک آنی لگت مالی ءِ رپوٹ ءِ نیمگ ءَ دلگوشی کنگ ءِ ضلورت اِنت۔