پاک اُرد مادرئیں وطن ءِ سیم سر آنی رکھینگ ءُُ دیمپانی ءِ واستہ تیار ءُُ سرجمیں رنگ ءَ جزمیگ اَنت، پاک اُرد ءِ سروک جنرل قمر جاوید جاجوہ ءِ مورچہ آنی سر ءَ تر ءُُ تاب ءِ ساھت ءَ ورنا آں گوں گشتانک

راولپنڈی ۔ 12 دسمبر (اے پی پی) پاک اُرد ءِ سروک جنرل قمر جاوید باجوہ ءَ گوشت کہ پاک اُرد مادرئیں وطن ءِ سیم سر آنی رکھینگ ءُُ دیمپانی ءِ ھاترا تیار ءُُ سرجمیں رنگ ءَ جزمیگ اِنت، ملک ءَ سیکورٹی ءِ جاور ھال گہتر بوھگ ءَ انت، تاجر صنعتکار آناں جوانیں چاگرد ءِ پُجارینگ ءَ کرد ءَ پیلو کن اَنت۔ آ چار شمبے ءِ روچ ءَ گدراسیکٹر ءِ سر ءَ مورچہ آنی تر ءُُ تاب ءِ ساھت ءَ ورنا آں گوں گشتانک دیان ءَ کت۔ پاک اُرد ءِ شوبگ (آئی ایس پی آر) ءِ رد ءَ آرمی چیف ءَ گدر اسیکٹر سندھ ءِ مورچہ ءُُ تھرکول منصوبگ ءِ تر ءُُ تاب ءِ ساھت ءَ کت۔ کاندہ آنی نیمگ ءَ منصوبگ آنی سر ءَ دیمروئی کار آنی سرءَ بریفنگ دیگ بوت۔ آئی چیف قمر جاوید باجوہ ءَ نوکیں مورچہ آنی تہ ءَ پاک اُرد ءِ ورنا آنی مورال آناں ساڑات۔ آرمی چیف ءَ تران کنان ءَ گوشت کہ پاک اُرد وطن ءِ سیم سر آنی رکھینگ ءُُ دیمپانی ءِ واستہ تیار ءُُ سرجمیں رنگ ءَ جزمیگ اَنت، ملک ءَ سیکورٹی ءِ جاور ھال گہتر بوھگ ءَ انت، تاجر ءُُ صنعتکار آناں جوانیں چاگرد ءِ پجارینگ ءَ کرد ءَ پیلو کنگ ءَ آں۔ تھر کول منصوبگ ءِ تر ءُُ تاب ءِ موہ ءَ ایم ڈی فوجی فرٹیلائز کمپنی لیفٹیننٹ جنرل (ر) طارق خان ءَ آرمی چیف ءَ را وش اتک کت۔ ایشی ءَ چہ پیسر آرمی چیف جنرل قمر جاوید باجوہ ءَ آرمی ایئرڈیفنس سینٹر کراچی ءِ تر ءُُ تاب کت۔ آرمی چیف جنرل قمرجاوید باجوہ ءَ لیفٹیننٹ جنرل عمادالزمان خان ءَ را کرنل کمانڈنٹ آرمی ائیر ڈیفنس کور ءَ را بیج جت اَنت۔ اے موہ ءِ سر ءَ ریٹائرڈ ءُُ حاضریں آرمی اپسرگ ءُُ ائیر ڈیفنس کور ءِ سپاھی آنی مزنیں کساسے ءَ بھر زوری کت۔ پاک اُرد ءِ سروک جنرل قمر جاوید جاجوہ ءَ ناشرکاری ءِ ھلاپ ءَ جنگ ءَ آرمی ائیر ڈیفنس کورس ءِ کوشست آناں ساڑات۔