مزن وزیر عمران خان ءِ خیبر پختونخوا حکومتءِ 100روچی کارءُ کردءِ ہوالگءَ مراگشءَ گوں تران

پشاور۔ 14دسمبر(اے پی پی) مزن وزیر عمران خان ءَ گشتگ کہ تاں انگت پاکستانءَ زرکاری نہ بیت ، روزگارءِ موہ ودی نہ بنت، ملک ءَ معاشی دیمروئی ءُ پہ روزگارءَ زرکاری ءِ موہ گیش کنگ لوٹاں، ایگزون ءِ وڑیں مزنیں کمپنی پاکستانءَ زرکاری کنگءِ چنءُ لانچءَ اَں۔ اے حیالانی درشانی آئیءَ خیبرپختونخوا حکومت ءِ 100روچی کارءُ کردءِ ہوالگءَ ہڈ بوتگیں مراگشءَ گوں تران کنانءَ کتگ۔ اے موہ ءَ خیبر پختونخوا ءِ سروزیر محمود خانءُ سروزیر پنجاپ عثمان بزدار ءِ کردءَ را ساڑاتگ ءُ گشتگ کہ دوئیناں وتی وتی صوبہ اَنی دیمروئی ءُ پلاحءُ گہبود کنگءَ مزنیں گامگیج چست کتگ، محمود خان ءُ عثمان بزدار ءِ سرءَ سرجمءَ اوست ایں چیا کہ اے دوئیں کسی پنت ءُ ڈوبارگ ءَ نہ زوراں۔ آئی ءَ گشتگ کہ 2018ءِ لھس گچین کاریءَ پد مرچی اولی رندءَ پشاور ءَ مزن وزیر ءِ ارزشتءَ تران کنگءَ اَں، خیبرپختونخوا ءَ پی ٹی آئی ءَ را کارءُ کردءِ سوبءَ اُلسءَ یک رندے پدا مینڈیٹ داتگ۔ آئیءَ گشتگ کہ وہدے پی ٹی آئیءِ حکومت جوڑ بوتگ ملک نقصان ءَ بوتگ مے حکومت معاشی دیمروئی آرگءَ گامگیج چست کنگءَ ایں، آئیءَ گشتگ کہ ملک ءَ یکیں تعلیمی نصاب جوڑ کنگءِ سرءَ کار بوہگءَ ایں تنکہ است مندءُ نیزگار اں تپاوت مہ بیت ، مدینہ ریاستءِ بزانت ہمیش ایں کہ سنتءِ رندیگری کنگ بیت، ما ہم اے گپ ءِ سرءَ زور پِردیاں کہ چے وڑءَ جہلی تبکءَ را بُرزی تک ءَ سرکنگ بہ بیت ،پیسہ نیست بلے پدا ہم ما نیزگاریں تبکءِ کمک ءَ کن اَنت، انشااللہ ملک زوت دیمروئی ءِ کشکءَ گام جنت ءُ ملکی ایکسپورٹ گیش بیت، ما پہ ملک ءِ سرجمیں چکاں یک نصابے جوڑ کنگءِ سرءَ کارکنگءَ اَنت۔