سرجمیں ملک ءَ عید میلاد النبی صلی اللہ علیہ والہ وسلم ءِ تیاری جاڑی انت

اسلام آباد ۔ 13 نومبر (اے پی پی) سرجمیں ملک ءَ عید میلاد النبی صلی اللہ علیہ والہ وسلم ءِ تیاری جاڑی انت۔ مسیت ءُُ گس آناں چراگ ءُُ مرچُکے لیٹ آنی گوما ھواری ءَ درود ءُُ سلام ءِ دیوان برجم دارگ بوھگ ءَ انت۔ دوھازدھ ربیع الول ءَ جشن عید میلاد النبی صلی اللہ علیہ وسلم نیک راھی ستک ءُُ یکیم ءِ گوما برجم دارگ ءِ تیاری جاڑی اِنت۔ اے رد ءَ دمک ءُُ گلی آناں ساپ ءُُ سینگار کنگ بوھگ ءَ انت، وھدیکہ میلاد ءِ جلوس ءُُ نعت وانی ھم کنگ بوھگ ءَ انت۔ سرکاری ءُُ نیم سرکاری ماڑی، گس، مسیت، پارک، سیل ءُُ سوادی ھند، مارکیٹ، بازار، ءُُ دگ آناں مرچُک ءُُ لیٹ جنگ بوھگ ءَ انت۔ ایشی ءَ چہ جشن ءِ عید میلاد النبیﷺ ءِ وشی گیش بوھگ ءَ انت، زھگ ءُُ ٹوھیں مردم دُرست عید میلاد النبی ﷺ ءِ تیاری ءَ دزگٹ انت، مُچی ءُُ نعت وانی ءِ دیوان بنگیج کنگ بوتگ اَنت۔