حکومت نا 5G سروس ءِ بناء کننگ نا فیصلہ، پوسکن ءُ زرکاری اتنگ اٹ کمک رسینگک، وزارت آئی ٹی

اسلام آباد۔ 12 ستمبر (اے پی پی) حکومت ٹیلی مواصلات نا بشخ انا شونداری و الس ءِ گچین خذمت آتا فراوانی کن 5G سروس بناء کننگ نا فیصلہ کرینے۔ وزارت انفارمیشن ٹیکنالوجی نا ذرائع نا رداٹ 3G و 4G موبائل براڈ بینڈ ٹیکنالوجی نا سرسہبی اٹ جاری کننگ آن پد 5G سروس بناء کننگ کن گام گیج کننگ انگ ءِ ہراڑآن دا بشخ اٹی پوسکن ءُ زرکاری اتنگ اٹ کمک رسینگک۔ وزارت پوسکن آ دورہ انا گرج آتے پورو کننگ کن ٹیلی مواصلات نا بشخ اٹی زرکاری ءِ ودفنگ کن زرکار آتے پرکشش آسراتی تا فراوانی نا پیکج نا تیاری آ ہم سجفنگ نا بناءِ کرینے ہرانا رداٹ ملک اٹی پین پوسکن ءُ ڈٹ ہم بناء کننگک۔