بنجائی وزیر انسانی حق ڈاکٹر شیریں مزاری نا اقلیت آتا نمائندہ و ڈل اتون ہیت وگپ

حکومت اقلیت آتارکھ و مون آ دننگ کن ہروڑ ناگام گیج چست کننگ ءِ
اسلام آباد۔ 12 ستمبر (اے پی پی) بنجائی وزیر انسانی حق ڈاکٹر شیریں مزاری پارینے کہ پاکستان نا آئین اٹی اقلیت آتے بریبری نا حق انا ضمانت تننگانے و ساڑی آ حکومت اقلیت آتا رکھ و مون آ دننگ کن ہر وڑ ناگام گیج چست کننگ ءِ۔ داخیال آتا درشانی ءِ او چارشنبے نادے داڑے اقلیت آتا نمائندہ و ڈل اتون ہیت وگپ اٹی کرے۔ داوخت آ بنجائی سیکرٹری انسانی حق رابعہ جویری آغا تون اوار وزارت نا تعلقدار کمامدارآک ہم ساڑی ئسر۔ اوڑدہی ٹی اقلیت آتا حق انا رکھ و مون آ دننگ نا بابت ساڑی آ کانود و کانود سازی نا بابت معاملہ غاتیا خیال آتا درشانی ءِ کننگا۔ ڈل دا بابت چندی سلاہ ہم پیش کرے۔ ڈل اتون ہیت وگپ کرسا بنجائی وزیر پارے کہ پاکستان تحریک انصاف نا حکومت انسانی حق خاص کر اقلیت، زالبول و چناتاحق انا رکھ و مون آ دننگ ءِ ہرحداسکان باوری جوڑ کننگ ءِ۔ بنجائی وزیر ڈل ءِ دابابت حکومت نا ہروڑنا کمکاری نا باوری ترفے۔