بنجائی وزیر تعلیم و کسبی مہارت انجینئر بلیغ الرحمان نا این سی ایچ ڈی نانیشنل ٹریننگ انسٹی ٹیوٹ نا بناءِ کننگ نا وخت آ دود آن تران

اسلام آباد۔ 15مئی (اے پی پی) بنجائی وزیر تعلیم و کسبی مہارت انجینئر بلیغ الرحمان پارینے کہ خواندگی اسہ بھلو ویل اسے ہرادے غیر رسمی و رسمی تعلیم ءِ یکجا کرسا ایسر کروئی ءِ۔ دا چرجوئی ٹی ہندی خلقت نا شریداری آن نئے بیرہ خواندگی ودک بلکن شونہالی ہم بریک۔ داخیال آتا درشانی ءِ وزیر تعلیم نیشنل کمیشن فارہیومن ڈویلپمنٹ نا اولیکو ٹریننگ انسٹی ٹیوٹ غیر رسمی تعلیم نا بناءِ کرسا پارے۔ اوپارے کہ ملک انا اولیکو تربیتی ادارہ نا جوڑ کننگ اسہ اہم ءُ گام گیج اسے ہراڑآن پاکستان نا آئین نا آرٹیکل A-25 آ عملدرآمد مریک و 8 آن 16سال انا چناتے تعلیم اسکان رسینگ اٹ کمک رسینگک۔ بنجائی وزیر تعلیم این سی ایچ ڈی ءِ پارت کرے کہ تعلیم نا مون آ دننگ تون اوار اوار طالب علم آتا کڑد سازی ، دیانت داری، اخلاقیات و تینا اقدار نا درستی راستی ءِ ہم پاننگے۔ داخیال آتا درشانی ءِ بنجائی وزیر تعلیم انجینئر بلیغ الرحمان این سی ایچ ڈی نا نیشنل ٹریننگ انسٹی ٹیوٹ نا بناءِ کننگ نا وخت آ کرے۔ چیئرپرسن این سی ایچ ڈی پارے کہ اینو ای بے کچ خوش اُٹ انتئے کہ نیشنل ٹریننگ انسٹی ٹیوٹ نا بناکنا تغ تا تعبیر ءِ۔ دا ادارہ غیر رسمی تعلیم و خواندگی کن چاہندار و ماسٹر ٹرینرز آتے تیار کیک۔