مسلم لیگ (ن) ءِ صدر ءُُ پیسریگیں مزن وزیر محمد نواز شریف ءِ اسلام آباد ءَ پریس کانفرنس ءَ گوں گشتانک

اسلام آباد۔ 3 جنوری (اے پی پی) مسلم لیگ (ن) ءِ صدر ءُُ پیسریگیں مزن وزیر محمد نواز شریف ءَ امریکی صدر ڈونلڈ ٹرمپ ءِ پاکستان ءِ بابت ءَ داتگیں بیان ءَ را میاں اوستمانی دگنیا ءِ مسلمان آں ءُُ سفارتی شرپ ءِ ھلاپ نامینان ءَ گوشت کہ پاکستان ءَ اُلس ءَ گچین بوتگیں جمہوری حکومت اے دھمکی آنی پرواہ ءَ نہ کنت، مارا کمک ءِ شگان جنگ مہ بنت، مزن وزیر شاہد خاقان عباسی ءَ انچیں گامگیج چست کتگ کہ مارا امریکی کمک ءِ ضلورت نہ اِنت، ایشی ءَ ھوار مارا سرجمیں ساپ دلی ءَ گوں وتی کرد آنی چار ءُُ تپاسی زورگ لوٹ ایت ءُُ ایش وت ردئیگی ءَ چہ بچگ لوٹ ایت، یک گل ئے ءِ کشک ءَ را کنٹگ جنگ ءُُ دومیگی ءِ واستہ کشک ءَ را روپگ ءُُ ساپ کنگ بوھگ ءَ اِنت، کانود ءَ چہ در پیسلہ ءَ چہ یک گل ئے ءِ دست ءُُ پاد بندگ مہ بنت، جمہوریت ءَ را دیمروئی ءِ موہ دیگ بہ بیت، اگاں چیر اندریں کاروائی دارگ مہ بننت گڈا گوستگیں چار سال آنی راستی ءَ اُلس ءَ گوشاں۔ چار شمبے ءِ روچ ءَ پنجاپ ہاؤس ءِ پریس کانفرنس ءَ گوں گشتانک دیان ءَ آئی ءَ گوشت کہ سرجمیں راج ءَ را نوکیں سال ءِ مبارکی ءَ پیش کناں ءُُ دُعا کناں گوں اللہ پاک ءَ کہ نوکیں سال ھیر ءُُ وشی آنی سبب جوڑ بابت، اے سال گچین کاری آنی ھم سال اِنت۔ پاکستان ءِ پُرمڈائیں ءُُ زانشتکاریں راج وتی لیکہ مستری ءَ چہ وتی رھشون ءَ گچین کن اَنت۔ منا اُمیت اِنت کہ اُلس ملک ءِ دیمروئی ءُُ وشھالی ءِ واستہ وتی ووٹ ءِ وسیلگ ءَ یک جوانیں ءُُ تلپچیں پیسلہ ءِ دینت۔