مزن وزیرشاہد خاقان عباسی ءَ صادق آباد م ءَ آر ایل این جی پمپنگ سٹیشن ءِ بنگیج کت

رحیم یارخان ۔ 6 جنوری (اے پی پی) مزن وزیرشاہد خاقان عباسی ءَ شمبے ءِ روچ ءَ صادق آباد ءَ آر ایل این جی پمپنگ سٹیشن ءِ بنگیج کت۔ اے موہ ءِ سر ءَ سیادی داروکیں کارندہ آں مزن وزیر ءِ منصوبگ ءِ بابت ءَ بریفنگ دات۔ اے منصوبگ سرجمیں ملک ءَ گیس ءِ بنیاتی کوکا ءِ دیمروئی منصوبگ اِت ایش سوئی نادرن گیس پائپ لائن لمیٹڈ ءُُ سوئی سدرن گیس کمپنی لمیٹڈ ءَ یکجائی رنگ ءَ سرجم کتگ۔اے منصوبگ ءَ 1044 کلومیٹر پائپ لائن ایس این جی پی ایل ءُُ 425 کلومیٹر پائپ لائن ایس ایس جی سی ءَ چیر گیتکگ۔ منصوبگ ءِ سرجمی ءَ چہ گیس ءِ رسد ءِ کساس1200 ایم ایم سی ایف ڈی ءَ چہ 2400 ایم ایم سی ایف ڈی ءَ تاں گیش بیت۔ گیس انفراسٹرکچر ڈویلپمنٹ پراجیکٹس ءَ چہ توان گس، کارگاھ ، کمرشل ءُُ لوگ آنی توک ءَ کارمرد کنوک آنی واستہ گیس ءِ رسد ءَ را یکیمی جوڑ کنگ ءَ کمک رسیت۔