بُنجاھی وزیر توکی کار احسن اقبال ءِ اینٹی رائیٹ فورس ءِ ھیل کاری ءِ سرجم بوھگ ءَ برجم داشتگیں مراگش ءَ گشتانک

اسلام آباد۔ 3 جنوری (اے پی پی) بُنجاھی وزیر توکی کار احسن اقبال ءَ گوشت کہ پاکستان ءَ را اِچ کس ءَ را جنگ ءُُ جدل ءِ شنگ ءُُ تالان کنگ ءِ موہ دیگ نہ بیت، پاکستان ءَ ناشرکاریءِ سرین معاشی دیمروئی ءِ سپر ءِ بندات کتگ، پاکستانی یک وت واجئیں ءُُ شرپ داریں راج اِنت ءُُ وتی شرپ ءَ را ڈگار ءَ دور دات نہ کنت، پاکستان ءَ چہ گیش اوگانستان ءَ ایمنی ءِ واھشت داریں ملک اِچ نیست اِنت، امریکی صدر ءِ بیان پاکستانی راج ءِ کربانی آنی گوما مذاک اِنت، پاکستان ءَ اوگانستان ءَ رودوم زرتگیں ناشرکار آنی گوما مقابلہ مہ کتیں گڈا اے سرجمیں پڑ ءِ واستہ بیم ءِ بوتگ اَت امریکہ بہ زانت کہ کُنٹگ ھمائی ءِ دور داتگین اَنت۔ اے ھیالانی درشانی آئی ءَ جاک ءُُ کوکار آں گوں گر ءُُ چیل بوھگ ءِ واستہ برجا کتگیں اینٹی رائیٹ فورس ءِ ھیل کاری ءَ را سرجم بوھگ ءَ پد پولیس لائن ہیڈ کوارٹر ءَ برجم داشتگیں مراگش ءَ گشتانک دیان ءَ کت۔ بُنجاھی وزیر ءِ توکی کار ءَ گوشت کہ 2014ءِ جاک ءُُ کوکار ءَ پد پولیس ءَ را اے رنگیں فورس ءِ جوڑ کنگ ءِ پنت ءُُ شون کتگ بوتگ۔ آئی ءَ گوشت کہ سیاسی مٹ ءُُ بدلی ءِ سبب ءَ منا وزارت ءِ توکی کار لُکوکیں موہ ءِ واستہ رستگ پدا ھم پولیس ءَ را نوکیں دور ءُُ باریگ ءِ رد ءَ آرگ ءِ واستہ کار بندات کتگ۔