مزن وزیر شاہد خاقان عباسی یک روچی تر ئُُ تاب ئِ ھاترا کوئٹہ ئَ سر بوت، ایئر پورٹ ئَ سر وزیر بلوچستان، صوبائی وزیر ئُُ کلانئیں کارندہ آں وش اتک کت

کو ئٹہ 14نومبر(اے پی پی )مزن وزیر پاکستان شاہد خاقان عباسی سئے شمبے ئَ یک روچی تر ئُُ تاب تر ئُُ تاب ئِ ھاترا یک ھاسیں بالیگ ئِ ئے سر ئَ اسلام آباد ئَ چہ کوئٹہ ئَ سر بوت۔ ائیرپورٹ ئَ سر وزیر بلوچستان نواب ثناءاللہ خان زہریی، صوبائی وزیر پی اینڈ ڈی ڈاکٹر حامد خان اچکزئی، صوبائی وزیر وانگ ئُُ زانگ عبدالرحیم زیارت وال، سر وزیر ئِ مشیر برائے اھوالکاری سردار رضا محمد بڑیچ، سر وزیر ئِ مشیر محمد خان لہڑی، چیف سیکرٹری اورنگزیب حق ،سر وزیر ئِ جار چین انوار الحق کاکڑ، آئی جی پولیس معظم جاہ انصاری ئُُ ایندگہ کلانئیں کارندہ آں مزن وزیر ئَ را وش اتک کت، مزن وزیر ئِ ھمبراھی ئَ بُنجاھی وزیر برائے سائنس ئُُ ٹیکنالوجی میری دوستین خان ڈومکی، راجی سلامتی ئِ مشیر ناصر خان جنجوعہ ھم کوئٹہ ئَ سر بوتگ۔ مزن وزیر شاہد خاقان عباسی ائیر پورٹ ئَ چہ گورنر گس ئَ پج اِت آ صوبائی وزیر ئُُ اسمبلی ئِ باسک آں گوں گند ئُُ نند ئَ ابید صوبگ ئَ ایمنی ئُُ دیمروئی منصوبگ آنی بابت ئَ دیوان ئِ سروکی ئَ کنت۔