ملک انا گیشتر علاقہ غاتیٹی اینو موسم باسن و پِرکپک، محکمہ موسمیات

اسلام آباد۔ 30 ستمبر (اے پی پی) محکمہ موسمیات پارینے کہ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے گلگت بلتستان اٹی گڑاس ہند آتیا ہورہ و گروک تون ہلکاپِر انا گمان ءِ۔ ہفتہ نادے داڑے جاری بیان نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و پِرکتنے ولے پٹن اٹی 01ملی میٹر پِر ریکارڈ کننگا۔ تدوک آ دے شہید بے نظیر آباد، نورپور تھل و بھکر اٹی 41، نوکنڈی ، دالبندین، روہڑی، رحیم یارخان، بہاولپور، ڈی آئی خان اٹی درجہ حرارت 40 ڈگری سینٹی گریڈ ریکارڈ کننگا۔