سی پیک پاک چین دوستی ءِ سوگو اقتصادی شریداری ٹی بدل کرینے، احسن اقبال

اسلام آباد۔ 30 ستمبر (اے پی پی) داخلہ، پلاننگ و شونداری نا بنجائی وزیر احسن اقبال پارینے کہ سی پیک چین پاکستان دوستی ءِ سوگو اقتصادی شریداری ٹی بدل کرینے ۔ ریڈیو پاکستان تون خصوصی ہیت وگپ کرسا اوپارے کہ چین پاکستان اقتصادی راہداری ڈٹ پاکستان ءِ تینا معیشت ءِ پوسکن جوڑ کننگ اٹ کمک فراوان کننگ ءِ۔ احسن اقبال پارے کہ داڈٹ انا رداٹ پاکستان ءِ چین نا شونداری آزموندہ غاتیان ہیل کننگ نا وارخواہی ملنگ ءِ ۔ اوپارے کہ سیکورٹی فورس سی پیک ڈٹ آتا پوروی نا مرحلہ غاتیٹی سیکورٹی فراوان کننگ کن 15سد کارندہ تعینات کرینے۔ احسن اقبال اسہ سوج اسے نا ورندی ءِ ترسا پارے کہ ایم ایل ون آ کاریم اینخو نا سال انا اخیر اسکان بناء کننگک۔