وزیراعظم محمد نواز شریف نا پشاور اٹی ایف سی نا گاڈی آ جلہو نا مذمت

اسلام آباد۔ 17جولائی (اے پی پی) وزیراعظم محمد نوازشریف دوشنبے نا دے حیات آباد، پشاور اٹی فرنٹیئر کور اٹی گاڈی آ جلہو نا ترندی اٹ مذمت ئِ کرینے ہراٹی میجر جمال شیران شہید و پین چار کارندہ ٹھپی مسنو۔ وزیراعظم کمامدارآتے پارت کرینے کہ دا گھناﺅنی کارروائی نا مرتکب عنصرآتا ڈس ئُ نشان ئِ خلسا اوفتے اوفتاکروک نا سزا تننگے۔ وزیراعظم پارے کہ داوڑنا عنصرآک رحم نا حقدار افس و انتہاءپسندی و دہشت گردی نا برخلاف مچ آ قوم انا غیر متزلزل و امنائی عزم انا رداٹ او زوت تینا انجام آ سرمریرہ۔ اوصوبائی حکومت ئِ ہم پارت کرے کہ ٹھپی تے ہروڑنا گچین طبی آسراتی فراوان کننگے۔ وزیراعظم محمد نواز شریف میجر جمال شیران نا نہادی جان نا زیان آ است ہسونی نا درشانی ئِ کرسا اونا درجہ غاتابڑزی و غمزدہ خاہوت کن صبر و جمیل نا دعا کرے۔