سعودی ولی عہد شہزادہ محمد بن سلمان بن عبدالعزیز تون فرانسیسی وزیر خارجہ جان ایف لوڈریان نا اوڑدہی

ریاض۔ 16جولائی (اے پی پی) سعودی عرب نا دورہ ٹی فرانسیسی وزیر خارجہ جان ایف لوڈریان سعودی ولی عہد شہزادہ محمد بن سلمان بن عبدالعزیز تون اوڑدہی کرے۔ العربیہ ٹی وی نا رداٹ ہڑتوم آ راہشون تا نیام اٹ مروک آ اوڑدہی ٹی ہڑتوم آ کنڈآتا کمکاری ئِ مون آ دننگ و دہشت گردی نا توننگ کن کوشست آتے جاری تخنگ آ اتفاق کننگا۔ سعودی وزیر خارجہ عادل الجبیر تون اوار اسہ اسیجائی نیوز کانفرنس اسے آن تران اٹی جان ایف لوڈریان پارے کہ او ولی عہد شہزادہ محمد بن سلمان تون سرجم ہیت وگپ کرینے۔ اوڑدہی ٹی فرانس و سعودی عرب نا نیام اٹ تعلقداری تے پین سوگو کننگ و تین پہ تینی کمکاری ئِ ترند کننگ آن اتفاق کننگا۔