اسپیکر و ڈپٹی اسپیکر نا حیات آباد پشاور اٹی بمب دھماکہ نا مذمت

اسلام آباد۔ 17جولائی (اے پی پی) اسپیکر قومی اسمبلی سردارایاز صادق و ڈپٹی اسپیکر مرتضیٰ جاوید عباسی حیات آباد پشاور اٹی بمب دھماکہ نا مذمت ئِ کرسا داٹی تپاخت کروک آ بندغ آتا خاہوت آتون ڈکھ و است ہسونی نا درشانی ئِ کرینو۔ دوشنبے نا دے تینا جتا جتا مذمتی و ہڑزخواہی کلہو آتیٹی اوفک دھماکہ نا ترند انگا لوز آتیٹی مذمت ئِ کریر و پدسلوک آ خاہوت آتون دلی ہمدردی و ہڑزخواہی نا درشانی ئِ کریر۔