اسپیکر و ڈپٹی اسپیکر قومی اسمبلی نا سینئر صحافی فیصل حکیم نالمہ نا کزیت آ است ہسونی نا درشان

اسلام آباد ۔ 20مئی (اے پی پی) اسپیکر قومی اسمبلی سردار ایاز صادق و ڈپٹی اسپیکر مرتضیٰ جاوید عباسی سینئر صحافی و نمائندہ نیوز ون فیصل حکیم و ایلم یاسر حکیم نمائندہ نیوزون راولپنڈی نا لمہ نا کزیت آ ڈکھ واست ہسونی نا درشانی ئِ کرے۔ ہفتہ نا دے اسپیکر و ڈپٹی اسپیکر تینا جتا جتا ہڑزخواہی کلہو اٹی فیصل حکیم و یاسر حکیم تون ہڑزخواہی نا درشانی ئِ کریر و ایماندار نا روح انا ثواب و خاہوت کن صبر و جمیل نا دعا کریر۔