پاک آپی اُرد ئِ سروک ایڈمرل محمد ذکاءاللہ ئَ را امریکہ ئِ مستریں اُردی داد لچن آف میرٹ دیگ بوت

اسلام آباد۔ 17 مارچ (اے پی پی) پاک آپی اُرد ئِ سروک ایڈمرل محمد ذکا اللہ کہ انوں امریکہ ئِ سرکاری تر ئُُ تاب ئَ اِنت، آرا امریکہ نیوی یارڈ ئَ یک مزنیں مراگشے ئِ ساھت ئَ امریکہ ئِ آپی اُرد ئِ چیف آف نیول آپریشنز ایڈمرل جان رچرڈسن ئَ امریکہ ئِ مستریں اُردی داد لچن آف میرٹ دات۔ امریکہ ئِ نیوی یارڈ ئِ سر ئَ بوھگ ئَ آئی ئَ را وش اتک ایڈمرل جان رچرڈسن ئَ کُت۔ اے موہ ئِ سر ئَ امریکہ ئِ آپی اُرد ئِ ورنا آں آرا سلامی دات۔ لچن آف میرٹ امریکہ ئِ مستریں اُردی داد اِنت۔ ایشرا ٹوھیں ئُُ بے مٹیں اِزمت آنی سبب ئَ دیگ بیت۔ ایشی ئَ چہ پد ایڈمرل ذکاءاللہ ئَ پینٹاگون ئَ امریکہ ئِ آپی اُرد ئِ چیف آف نیول آپریشنز ایڈمرل جان رچرڈسن ئَ گوں آئی ئِ کارگس ئَ گند ئُُ نند کُت۔ ایڈمرل محمد ذکاءاللہ ئَ کراچی ئَ پاک آپی اُرد ئِ چیر دستی ئَ ”یک ئَ چہ گیش “ آپی ایکسرسائز امن 17ئَ امریکہ ئِ آپی اُرد ئِ بھر زوری ئِ سر ئَ ایڈمرل رچرڈسن ئِ شگر گپت۔