پاکستان سپر لیگ پی ایس ایل اٹی (اینو) ہفتہ غا اِرا میچ آتا فیصلہ مریک

دبئی۔ 10 فروری (اے پی پی) پاکستان سپر لیگ (پی ایس ایل) نا ارٹ میکو ایڈیشن اٹی (اینو) ہفتہ آ اِرا میچ گوازی کننگک۔ سرجم احوال آتارداٹ پاکستان سپر لیگ اٹی اینو اولیکو میچ اسلام آباد یونائیٹڈ و لاہور قلندرنا نیام اٹ دبئی انٹرنیشنل سٹیڈیم اٹی گوازی کننگک دامیچ پاکستان نا معیاری وخت انا رداٹ 4بجہ ئُ 30 منٹ آ بناءکیک وخت اس کہ ارٹ میکو میچ کراچی کنگز و کوئٹہ گلیڈی ایٹرنا ٹیم تا نیام اٹ دبئی انٹرنیشنل سٹیڈیم اٹی گوازی کننگک دا میچ نائٹ مریک و پاکستان نا معیاری وخت انا رداٹ شام انا نہہ بجہ غا بناءکیک۔ اسلام آباد یونائیٹڈ نا ٹیم ٹائٹل نا دفاع کن کوشست کننگ ئِ۔ اسلام آباد گدرینگوک آ سال اڈ ہلوک آ اولیکو پی ایس ایل نا فائنل اٹی کوئٹہ ئِ کٹسا چیمپین جوڑ مننگ نا اعزاز ئِ ہلکوسس، ایونٹ اٹی پاکستان تون اوار کیہی درملکی سٹارآک ہم ایکشن اٹی خننگرہ۔ 5مارچ اسکان گوازی کروک آ لیگ اٹی پنچ ٹیم اسلام آباد یونائیٹڈ ، کراچی کنگز، لاہور قلندر، پشاور زلمی و کوئٹہ گلیڈی ایٹر نا ٹیمک ٹائٹل نا دوئی کن ایکشن اٹی خننگرہ۔ لیگ اٹی فائنل تون اوار جم وڑاٹ 25میچ گوازی کننگک، لیگ میچ آتا چرجوئی 26فروری آ ایسر مریک۔ اوکان پد چارٹاپ ٹیم تانیام اٹ ناک آﺅٹ میچ گوازی کننگک، فرسٹ کوالیفائنگ میچ 28 فروری، سیکنڈ کوالیفائنگ میچ یکم مارچ وخت اس کہ مسٹ میکو کوالیفائنگ میچ 3مارچ آ گوازی کننگک و اِرا ٹاپ ٹیم تا نیام اٹ فائنل 5مارچ آ گوازی کننگک۔